Hindi sang-ayon si Atty. Ferdinand Topacio sa Best Actor award na iginagawad kay Unkabogable Star Vice Ganda noong nakalipas na 2025 Metro Manila Film Festival (MMFF).
Sa isang press conference kamakailan, sinabi niyang mas nagustuhan daw niya ang pag-arte ni Ultimate Heartthrob Piolo Pascual sa “Manila’s Finest” kumpara sa pagganap ni Vice sa “Call Me Mother.”
Aniya, "Maganda 'yong acting ni Vice, to be fair. But over Piolo Pascual as well in the 'Manila's Finest,' no way! No effing way!"
Bago ito, nauna nang binatikos ni Topacio ang kalidad ng mga pelikulang inilalahok sa MMFF.
Kuya Kim, birthday wish na maipagpatuloy alaala ni Emman
"Metropolitan Film Festival 'yan dati. Ang daming magagandang pelikula niyan. May social message,” anang abogado.
Dagdag pa niya, “Ang problema kasi, you have placed the movie industry in the hands of people who know nothing about movies.”
Sa kasalukuyan, pinangangasiwaan ng Metro Manila Development Authority (MMDA) ang MMFF. Pero ayon kay Topacio, walang mandato ang nasabing ahensya para gawin ito.
Kaya ang suhestiyon niya ay ilipat ang pangangasiwa ng film festival sa Film Development Council of the Philippines (FDCP) o kaya sa National Commission for Culture and Arts (NCCA).
Maki-Balita: BALITAnaw: Ang ‘Unkabogable’ na karera ni Vice Ganda sa MMFF
