Sinuportahan at dinipensahan ni Cebu Governor Pam Baricuatro si Sen. Imee Marcos sa kabila ng mga pambabatikos ng ilang netizens kamakailan dahil sa umano’y hindi pagsunod sa dress code nang bumisita ito sa Basilica Minore del Sto. Niño de Cebu.
“Hello, Cebuano friends and visitors. Sinulog is a time for celebration, culture, and community. I deeply respect our church dress codes, and I also believe in showing hospitality to all who come to our city,” pagbati ni Baricuatro sa kaniyang social media post nitong Linggo, Enero 11.
Ani ng gobernadora, ang nasabing “dress code issue” ay pagkakataon para matuto, at bilang public servant, mas pinipili niya ang pag-intindi kaysa paghuhusga sa kabila ng misunderstandings na hindi naiiwasan mangyari kung minsan.
“We’re all learning and sometimes missteps happen. As a government official who relies on protocol officers, I’ve seen how small misunderstandings can occur, and I choose understanding over judgment,” saad ni Baricuatro.
Torre kinarga ang 'sexy misis,' hinikayat tumakbo sa 2028
Ipinaliwanag din niya na sa pagtatrabaho nila sa food security at pagiging “long-term friends,” ang adbokasiya nila ay mapagbuti at mapaunlad ang buhay ng publiko, “an advocate for Cebu in Senate,” paglalarawan pa ni Baricuatro kay Marcos.
Kaya pakiusap ni Baricuatro sa mga Cebuano, wag maging mabilis sa panghuhusga, bagkus, ipamuhay ang layon ng Sinulog, na pagpapakalat ng kabutihan at pagiging bukas-palad sa kapwa.
“To my fellow Cebuanos: let’s not be quick to judge. Let’s embody the Sinulog spirit—kindness and generosity to everyone. To our guests: you are welcome here, and we appreciate your respect for our traditions,” pakiusap at pagkilala ng gobernadora sa mga kapwa niya Cebuano.
“Lets support each other & our guests during this festive season,” dagdag pa niya.
Nagbahagi rin ng litrato nilang dalawa si Baricuatro mula sa nauna nilang meeting at sinabing may pagkakamali rin siya na hindi na nasabihan na huwag magsuot ng sleeveless outfit papunta sa Basilica.
“Allow me to share a photo of us earlier of the day during our meeting & she proudly informed me that “modagkot ako mamaya” my mistake also as i forgot to warned her to not wear sleeveless outfit,” paliwanag ng gobernadora.
Nito ring Enero 11, ni-reshare ng senadora ang post ni Baricuatro, kung saan makikita na humihingi rin siya ng dispensa at pag-intindi mula sa mga Cebuano.
“Salamat Gobernadora Pam. Mapaubsanon kong mangayo ug dispensa ug dugang pagsabot sa mga Sugboanon sa nahitabo [Maraming salamat Gobernador Pam. Buong pagpapakumbaba akong humihingi ng tawad at karagdagang pang-unawa mula sa mga Cebuano tungkol sa nangyari],” pahayag ni Marcos.
Nag-reply naman si Baricuatro sa nasabing reshared post at sinabing naiintindihan niya ang senadora at muling humingi ng dispensa dahil sa hindi niya pagpapaalala rito sa dress code ng simbahan.
“Nobody’s perfect Sen! We all make mistakes. I'm simply asking the Cebuanos to understand instead of judging the situation. My apologies also for not informing you of the dress code. Btw, TY for all your help during the earthquake & typhoon,” sagot ng gobernadora.
Sa kaugnay na balita, binatikos ng ilang netizens ang senadora matapos siyang makita na bumisita sa Basilica ng naka-sleeveless na blouse, sa kabila ng dress code.
“Exempted si auntie sa dress code? Anyare?” ani ng isang netizen.
Matatandaan na pinaalalahanan ng Basilica Minore del Santo Niño sa Cebu City ang mga deboto at bisita nila na magsuot ng wastong kasuotan sa pagdalo ng mga misa.
“Even if some do not follow the dress code, it does not mean we should follow their example. We must remain humble and disciplined in our own conduct inside the church.” saad ni Fr. Jules Van Almerez, OSA, media liaison officer ng Basilica sa kaniyang pahayag noong Sabado, Enero 10.
Aniya pa, sa pagsunod sa wastong dress code sa simbahan, maipapakita ng mga deboto ang kanilang pagmamahal sa santo at pagbibigay-galang sa mga alay na dasal para rito.
“We sincerely thank the vast majority of our devotees for your vigilance. By following the dress code, you show your love for the Holy Child and maintain the solemnity of our prayers,” saad ni Almerez.
MAKI-BALITA: Simbahan sa Cebu City, ipinakiusap 'maayos na pananmit' sa pista ng Sto. Niño
Sean Antonio/BALITA
