Tuluyan nang tinuldukan ni Kapuso Primetime King Dingdong Dantes ang mga tsismis na pinaplano umano niyang pumasok sa mundo ng politika.
Sa latest episode kasi ng “Janno & Bing” kamakailan, naungkat ni singer-actor Janno Gibbs ang pagiging malapit ni Dingdong noon kay dating Pangulong Benigno “Noynoy” Aquino III.
Ito ay matapos mapag-usapan ang tungkol sa leadership type ni Dingdong sa mga organisasyon at foundation.
“You’re close to PNoy before, wala bang plan? Kasi kapag tumakbo ka, iboboto kita. Totoo ‘yon,” sabi ni Janno.
Matapos ang kaniyang Miss Cosmo stint: Chelsea Fernandez, balik-Pinas na!
Pero sagot ni Dingdong, “Sa akin, malinaw na I’m doing this for the love of the community. Of course, lahat ‘to ay sa aking desire to serve. Pero may iba-iba namang paraan to show that service, e.”
“And I think being in that arena, in politics, to be particular, is something that I don’t want. Kasi I have more freedom doing these things as a private citizen, as a member of the community. And sa tingin ko, dito ako nilagay,” dugtong pa niya.
Matatandaang kamakailan nga lang ay hinulaan ni “Asia’s Nostradamus” Jay Costura na sasabak umano si Dingdong sa politika sa mga darating na taon.
Maki-Balita: Jay Costura, nakikitang papasok sa politika si Dingdong Dantes
