Tila hindi umaano umaasa ang Department of Education (DepEd) na maisasakatuparang itayo ang aabot sa 24,000 na bilang ng mga silid-aralan sa loob lamang ng isang taon.
Ayon sa isinagawang press briefing ng Presidential Communications Office (PCO) kasama ang DepEd, Commission on Higher Education (CHED), at Technical Education and Skills Development Authority (TESDA) nitong Martes, Enero 6, sinabi ni Sec. Sonny Angara na tila malabo raw na maitayo ang 24,000 bilang ng mga classroom, ayon na rin sa kasaysayan.
“I’ll just to clarify, we don’t expect all of those 24,000 to be constructed in 365 days kasi historically hindi talaga nangyayari ‘yon,” pagsisimula niya.
Paglilinaw naman niya, “But at the very least, maumpisahan nga. Kasi nakikita natin, it takes, sometimes, even two to three years to finish classroom kasi ‘yong release no’ng pera [ay] hindi January. Minsan sa June or sa October. So it carries over to succeeding years.”
Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno
Ani Angara, 25% ang pangungunahan ng Department of Public Works and Highways (DPWH) sa kabuuang 24,000 na bilang ng mga classroom na plano nilang itayo ngayong 2026.
“But definitely, ang plano dito is about—at the most 25 percent will be DPWH based. So you’re talking about maybe 6,000 [classrooms],” aniya.
Dagdag pa niya, “Although sinabi sa amin ni Sec. Vince na they want to be a conservative and they are looking at 2,000 classrooms So we have to really settle that to Sec. Vince and DPWH. ‘Yon lang talaga ‘yong kaya nilang i-construct at the 24,000 [classrooms].”
Bukod naman sa DPWH, sinabi rin ni Angara na handa rin daw ang mga Local Government Units (LGUs) ang handang manguna rin sa pagpapatayo ng mga silid-aralan kanilang bawat lugar.
“Then sa LGUs, ‘yon naman ang opposite. Sila, gustong gusto nila na i-take on. They want as much of the construction to be downloaded to them. Hopefully maibigay kaagad ng DBM ‘yong pera para ma-download namin sa local governments. We are talking about the possibilities of 80 provinces, 160 cities,” saad niya.
“Hopefully several of the 1600 municipalities. Hindi lang Barangay pero hanggang municipality na lang ‘yong puwedeng mag-construct. Anyone who has the capacity,” paliwanag pa niya.
Idagdag pa raw ang nakasaad sa General Appropriation Act (GAA) na pumapayag sa mga Non-Governmental Organizations (NGOs) na manguna rin sa pagpapatayo ng mga silid-aralan.
“Mayroon ding provision of the General Appropriation Act na pinapayagan din ‘yong civil society organization, NGOs na may proven record of constructing…” pagbabahagi niya.
“Puwede nating ibigay sa kanila ‘yong Last Miles School construction,” pagtatapos ni Angara.
MAKI-BALITA: DepEd Sec. Angara, pinasalamatan si PBBM sa paglaan ng ₱1.35T sa sektor ng edukasyon!
MAKI-BALITA: ALAMIN: Mga item na na-veto ni PBBM mula sa 'Unprogrammed Appropriations' ng 2026 nat'l budget
Mc Vincent Mirabuna/Balita
