Umapela si Cavite 4th District Rep. Kiko Barzaga sa international communities na magkaroon daw ng “foreign intervention” sa Pilipinas kagaya umano ng nangyari sa pagitan ng mga bansang America at Venezuela.
Ayon sa video statement na inupload ni Barzaga sa kaniyang Facebook account nitong Martes, Enero 6, binalita niyang nahuli na umano ng America ang Presidente ng Venezuela na si Nicolas Maduro.
“Venezuelan Dictator Maduro is now gone,” pagsisimula niya, “American special forces have captured the notorious drug lord and President in an operation last week shaking the geopolitical of the world.”
MAKI-BALITA: Maduro at misis, kalaboso: Trump nagdeklara, US muna mamamahala sa Venezuela!
Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno
Ani Barzaga, makikinabang daw ang mamamayan at ekonomiya ng Venezuela sa pagdakip ng America kay Maduro kahit labag pa ito sa international law.
“This action, whether or not it is conflicting with international law, will inevitably benefit the Venezuelan people and economy,” aniya.
Photo courtesy: Kiko Barzaga (FB)
Tila pinasaringan ni Barzaga si Pangulong Ferdinand “Bongbong” Marcos, Jr., na sangkot umano sa malawakang plunder at iba pa sa bansa dahilan para hindi na kayanin ng batas ng bansa na panagutin ito.
“We faces similar in our country. President Marcos who has been implicated in his involvement in wide scale plunder, illegal substance abuse, and human right abuses, has grown to a powerful to be prosecuted by Philippine law,” pagdidiin niya.
Dahil dito, umapela si Barzaga sa iba pang mga estado sa mundo na makialam sa mga nangyayari sa Pilipinas.
“Which is why I appeal to the international community, both as a citizen and as a member of the House of the Representatives, that foreign intervention is necessary on humanitarian grounds,” saad niya.
“Too many people have died due to President Marcos’ corruption and many more will die if we remain silent,” pagtatapos ni Barzaga.
Samantala, wala pang reaksiyon, tugon, o pahayag si PBBM o ang Palasyo tungkol sa nasabing ito ni Barzaga.
MAKI-BALITA: 'Respect international law!' DFA, kinondena bakbakang US-Venezuela
MAKI-BALITA: Pwersahang pagtanggal sa lider ng isang bansa, ikinabahala ni Sen. Imee
Mc Vincent Mirabuna/Balita
