Nanawagan si dating Presidential Anti-Corruption Commission (PACC) chair Greco Belgica kay United States of America (USA) President Donald Trump na maiuwi sa Pilipinas si dating Pangulong Rodrigo Duterte matapos ang naganap na bakbakan sa pagitan ng mga bansang America at Venezuela.
Ayon sa naging pahayag ni Belgica sa kaniyang Facebook post nitong Lunes, Enero 5, sinabi niyang parehas lang daw ang kinakaharap na suliranin ng Pilipinas sa Venezuela, partikular sa usapin ng droga, korapsyon, langis, at iba pa.
“Dear President Donald J. Trump,” pagsisimula niya, “Our country, the Philippines, is facing a massive struggle with drugs, government corruption, and the protection of our oil and trade territories in the West Philippine Sea—very similar to your issues in Venezuela.”
Photo courtesy: Greco Belgica (FB)
'Flood control projects budget sa 2026, mas 'specific' sa foreign assisted projects!'—DBM Sec. Toledo
Giit ni Belgica, hindi raw sila nananagawang arestuhin din ni Trump ang kasalukuyang pinuno ng bansa na si Pangulong Ferdinand “Bongbong” Marcos, Jr., bagkus ay ibalik sa Pinas si FPRRD na kasalukuyang nasa himpilan ng ICC.
“But, we are not asking for the US to arrest our sitting President. Instead, we ask for your help in bringing home the former President arrested and detained by the ICC,” diin niya.
Pagpapatuloy ni Belgica, layunin daw nilang pangutin sa loob ng bansa si PBBM at si FPRRD sa sariling Korte ng bansa.
“Our goal is for both the current and former leaders to face justice in our own Philippine courts. We want to restore the rule of law within our own borders. Thank you and God bless,” pagtatapos pa niya.
Samantala, wala namang inilalabas na pahayag si Trump kaugnay sa panawagang ito ni Belgica tungkol kay FPRRD.
MAKI-BALITA: Maduro at misis, kalaboso: Trump nagdeklara, US muna mamamahala sa Venezuela!
MAKI-BALITA: Sana oil! Bakit interesado si US Pres. Donald Trump sa langis ng Venezuela?
Mc Vincent Mirabuna/Balita
