Bumuwelta si Sen. Kiko Pangilinan sa pagdidiin ng Chinese Embassy sa Manila ng kanilang “One China Policy” at sinabi niyang dapat daw respetuhin ng China ang Exclusive Economic Zone (EEZ) ng Pilipinas.
Ayon sa naging pahayag ni Pangilinan sa kaniyang Facebook post noong Biyernes, Enero 2, sinabi niyang wala raw siyang problema sa One China Policy ngunit dapat din daw na respetuhin ng China ang 500,000 square kilometer na sakop ng EEZ ng bansa sa kabila ng umano’y ilegal na pagsakop nila sa 90 porsyento ng WPS.
“To the Chinese Embassy in Manila: I have no problem respecting and recognizing the One China Policy. In return, China should respect the Philippines’ 500,000 square kilometers of our EEZ under the UNCLOS by abandoning their RIDICULOUS and ILLEGAL claim of 90 percent of the West Philippine/South China Sea,” pagsisimula niya.
Photo courtesy: Kiko Pangilinan (FB)
Leviste, pinuna pagtaas sa ₱18.58B ng MOOE ng Kamara sa 2026 nat'l budget
Dagdag pa niya, “To borrow the American saying, ‘If you can dish it out, you should learn to take it’.”
Anang senador, nirerespeto rin daw niya ang pananaw ng China na parte nito ang bansang Taiwan ngunit hindi umano magiging probinsya nito ang Pilipinas.
“We respect China’s view that Taiwan is part of China but China should respect our position that the Philippines’ EEZ is NOT part of China AND, for that matter, we are not and will never be a province of China,” pagdidiin niya.
Pagpapatuloy pa ni Pangilinan, nirerespeto nila ang mga Chinese ngunit hindi raw sila yuyuko sa Presidente ng China na si Xi Jinping.
“We respect the Chinese people but we will never bow down to Xi Jinping’s illegal policy claims in the region. NEVER,” paninindigan niya.
Hindi umano masisindak ng makakapangyarihang bansa sa mundo ang paninindigan ng Pilipinas kagaya ng naging pagtanggi nito sa United State of America (USA) sa RP-US Bases Treaty noong 1991.
“Speaking of being reminded, we would also like to remind China that the Philippine Senate showed the United States of America the door in 1991 by rejecting the 1991 RP-US Bases Treaty. We said NO to the world’s only superpower then in upholding our sovereignty. Whether the US or China, no world superpower can intimidate us,” pagbabahagi niya.
“Don’t me. Don’t us,” pagtatapos pa ni Pangilinan.
Samantala, wala pang inilalabas na pahayag ang Chinese Embassy kaugnay sa sinabi ni Pangilinan.
MAKI-BALITA: PCG Spox Tarriela, tinawag na 'futile' tindig ni Sen. Padilla sa isyu ng WPS
MAKI-BALITA: Hindi pagsuko ang kabaitan sa China? Padilla bumwelta kay Tarriela
Mc Vincent Mirabuna/Balita
