Kapapasok pa lamang ng Bagong Taon subalit hindi nagpatinag si Unkabogable Star Vice Ganda sa pagpapa-viral, matapos magbitiw ng pabirong pasaring sa Viva, sa Friday episode ng "It's Showtime."
Nagpasalamat kasi si Vice Ganda sa pagkapanalo niya bilang Best Actor sa 51st Metro Manila Film Festival (MMFF) para sa pelikulang "Call Me Mother" nila ni Nadine Lustre.
Isa ang Viva sa co-producers ng pelikula, kasama ang Star Cinema ng ABS-CBN at IdeaFirst.
Pinasalamatan ni Vice Ganda ang dalawang movie companies pero nagpasaring naman sa Viva na pagmamay-ari ni Vic Del Rosario.
Abogado, tutuldukan 'fairy tales' niya! Raul Rocha, tinawag na 'delusional fool' si Chavit?
Aniya, "Sa ABS-CBN, sa Star Cinema, maraming salamat. Sa VIVA Films, kahit hindi man lang nagpadala ng bulaklak, maraming salamat pa rin po. Oo, walang anything. Kukubra na lang."
"VIVA, padala naman kayo ng bulaklak sa akin," hirit pa.
Sa Facebook page naman ng VIVA Films, nire-reshare nila ang congratulatory post ng Star Cinema para kay Vice Ganda, kaya naman, kinukulit sila ng mga netizen na padalhan daw ng bulaklak si Vice Ganda.
"Bingi-bingihan Viva?"
"Nilaro pa tayo ng Viva. Shinare na lang eh. Hahaha"
"Wala ba pa-flowers?"
"Share niyo din yung parinig ni Vice para kumpleto"
"Pakibigyan naman ng flowers si meme uyy"
"Bakit panay repost?? Share nyo kaya yung sinabi nya!"
Sa episode ng It's Showtime nitong Sabado, Enero 3, nag-"special announcement" si Vice Ganda hinggil sa mga nagbigay ng bulaklak at humabol pa.
"Special announcement, maraming salamat po sa lahat ng nagpadala ng bulaklak sa akin. Maraming maraming salamat po sa mga humabol at nagpadala ng bulaklak sa akin," aniya pa.
