Hindi raw dapat balewalain ni Pangulong Ferdinand “Bongbong” Marcos, Jr., ang kamakailang lumabas na negatibong resulta mula sa mga survey firms tungkol sa trabaho niya bilang Pangulo.
Ayon sa naging panayam ng True FM kay University of Santo Tomas (UST) Assistant Professor Froilan Calilung nitong Biyernes, Enero 2, 2026, sinabi niyang mahalaga ang resultang inilalabas ng mga survey para sa mas magandang pamamahala at mga desisyong gagawin ng Pangulo.
“The President can always dispel these surveys as something as insignificant but the surveys are necessarily derived for better governance and more decisive actions,” pagsisimula niya,
Dagdag pa niya, “So if the President really wants to salvage whatever political capitalist left of him, I think they need to take it seriously.”
Leviste, pinuna pagtaas sa ₱18.58B ng MOOE ng Kamara sa 2026 nat'l budget
Ani Calilung, kagalang-galang na mga survey firm ang Social Weather Stations (SWS) at Pulse Asia Survey na kamakailang naglabas ng resulta ng kanilang pag-aaral tungkol sa performance ni PBBM.
“We need to understand that these are two reputable survey firms—SWS and Pulse Survey Asia. Kung makikita natin, talagang significant ‘yong tip doon sa kaniyang survey ranking,” aniya.
“Basically, negative 3 and negative 14… kung titingnan natin ‘yong disparity between trust and distrust. So this is really big,” paglilinaw pa niya.
Pagpapatuloy ni Calilung, sinasalamin ng mga resulta sa survey ang kasalukuyang performance ni PBBM bilang pinuno ng bansa.
“The President cannot simply… this aside as something that will not affect his performance because, really, this is a manifestation. Sinasalamin nito ‘yong kasalukuyang performance na meron siya,” saad niya.
“This is very-very problematic [on] his part,” pagtatapos pa niya.
Matatandaang sumadsad sa -3 ang net trust rating ni PBBM noong Nobyembre 2025 batay sa latest survey ng SWS.
MAKI-BALITA: PBBM, sumadsad sa -3 sa trust ratings; VP Sara, namayagpag!
Mc Vincent Mirabuna/Balita
