Nagbigay ng suhestiyon si Bicol Saro Rep. Terry Ridon sa Department of Public Works and Highways (DPWH) na puwede umano silang maghain ng ethics complaint laban kay Batangas 1st District Rep. Leandro Leviste.
Ayon sa naging panayam ng ABS-CBN News Channel (ANC) kay Ridon noong Martes, Disyembre 30, sinabi niyang mas maganda raw na maghain ang DPWH kung talagang nararamdaman nilang may mali sa pagkuha ni Leviste sa mga files ni dating DPWH Usec. Catalina Cabral.
“Better for the DPWH personnel to basically file the complaint,” aniya.
Dagdag pa niya, “Kasi if they really feel aggrieved at the manner by which the files have been obtained, puwedeng ‘yong DPWH leadership can undertake it.”
Mga hindi maipuputok na paputok, isuko na lang sa awtoridad!—PNP
Ani Riddon, puwede rin daw maghain ng ethics complaint lalo na ang DPWH personnel na may personal na may alam sa nangyari.
“Puwede po ‘yong DPWH personnel, ‘yon po talagang may personal knowledge doon sa nangyari,” saad niya.
Pagpapatuloy pa ni Ridon, dapat daw talaga na gawin iyon ng DPWH bilang pag-alaala na rin sa yumaong si Cabral.
“If they actually wanted to honor the memory of Usec. Cabral na dapat hindi siya ginagamit siya ganito pong tipa na I guess malicious disclosures of government documents,” mungkahi niya.
“Parang dapat silang mag-file ng ethics complaint against Congressman Levieste,” pagtatapos pa niya.
Matatandaang mariing itinanggi ni Department of Public Works and Highways (DPWH) ni Secretary Vince Dizon ang umano’y “baseless at malicious” na paratang na ipinukol laban sa kaniya ni Batangas Leandro Leviste kaugnay ng sinasabing budget “insertions” o “allocables.”
MAKI-BALITA: Baseless, malicious! Dizon, binasag si Leviste kontra 'insertions'
Nilinaw na umano ng BCDA na wala itong kahit anong flood control project na pinopondohan sa pamamagitan ng budget insertions, “allocable funds,” o anumang discretionary source.
Anila, pawang kasinungalingan at walang basehan ang mga paratang na may ganitong uri ng pondo para sa naturang mga proyekto.
MAKI-BALITA: 'Bakit ngayon lang?' Rep. Ridon, kinuwestiyon listahan ng insertions ni Rep. Leviste
Mc Vincent Mirabuna/Balita
