Emosyunal ang vlogger na si Jeraldine Blackman nang ianunsiyo niya ang pagpanaw ng ama niyang si Francisco Dispo.
Sa isang Instagram video ni Jeraldine kamakailan, sinabi niyang mismong araw ng Pasko sumakabilang-buhay ang erpat niyang noong Hulyo lang niya nakita matapos ang dalawang dekada.
"Life sucks so much. My father, that I've only seen on July, that haven't met for more than 20 years just passed away on Christmas Day,” saad ni Jeraldine.
Dagdag pa niya, “I grew up in the Philippines. I was born in 1992. I don't have any memories with my father. I wish I were able to get to know him better.”
Miss Earth PH Joy Barcoma, suportado anti-mining protest sa Nueva Vizcaya
Samantala, sa isang hiwalay na video, sinabi ni Jeraldine na pinili niyang hindi na muna sabihin pa sa mga anak niya ang tungkol sa pagpanaw ng kanilang lolo.
Aniya, “I am not yet going to tell them about him. Maybe one day. I told myself I [was] going to introduce and let the kids know about him when they are older."
Nakatakdang umuwi sa Pilipinas si Jeraldine mula Australia para makita ang erpat niya sa huling pagkakataon.
Matatandaang nakilala si Jeraldine kasama ang dating asawa niyang si Josh Blackman dahil sa mga wholesome at goodvibes nilang content na ibinbahagi sa kanilang social media accounts.
Maki-Balita: Jeraldine at Josh ng Blackman family, hiwalay na!
