Kinilala ng Palasyo ang naging serbisyo ni Independent Commission for Infrastructure (ICI) Commissioner Rossana Fajardo matapos itong magpasa ng courtesy resignation bilang pagbibitiw sa kaniyang puwesto.
Ayon sa mga ulat nitong Biyernes, Disyembre 26, sinabi ni Palace Press Officer at Presidential Communication Office (PCO) Usec. Claire Castro na may napakahalagang papel na ginampanan si Fajardo sa naging pagseserbisyo niya sa ICI.
“Kinilala ng administrasyon ang napakahalagang papel na ginampanan ni ICI Comm Rosanna Fajardo para makalikom, maaral at maassess ang mahahalagang ebidensya upang mapanagot ang mga sangkot sa maanomalyang flood control projects,” aniya.
Dagdag pa niya, “She has already accomplished her tasks based on her mandate.”
Abante, laging inaaya ng golf ni Acop: 'I guess we have to play golf up in heaven!'
Sa kabila nito, tiniyak ni Castro na magpapatuloy raw ang imbestigasyon ng ICI at iba pang investigative bodies para malabanan ang korapsyon sa bansa.
“Ngunit patuloy pa rin ang pag iimbestiga kasama ang iba pang investigating bodies. Hindi pa tapos ang laban ng administrasyon kontra korapsyon,” pagtatapos pa niya.
Matatandaang nagbitiw sa puwesto si Fajardo nito ng Biyernes, Disyembre 26, matapos manilbihan sa nasabing ahensya mula noong Setyembre.
KAUGNAY NA BALITA: Rossana Fajardo, nagbitiw bilang Commissioner sa ICI
“Since my appointment in September 2025, I have been committed to advancing the Commission's objectives, particularly in the areas of financial oversight and infrastructure project investigations,” ani Fajarda sa ipinasa niyang courtesy resignation.
Dagdag ni Fajardo, nagawa na raw niya ang mga trabaho ang kaniyang tungkulin sa pangongolekta ng mga ebidensya, work plans, at pangunguna sa imbestigasyon sa maanomalyang infrastructure projects.
Samantala, sinabi rin niya na magiging epektibo umano ang pagbibitiw niya sa puwesto sa darating na Disyembre 31, 2025.
MAKI-BALITA: Kahit tinadtad ng resignation: ICI, kasadong isapinal resulta ng flood control probe sa Ombudsman
Mc Vincent Mirabuna/Balita
