Sa gitna ng mga pagdiriwang ng Pasko, nanawagan si Pangulong Ferdinand “Bongbong” Marcos Jr. sa mga Pilipino na huwag kalimutan ang mga nangangailangan ng malasakit at pagkakawanggawa, partikular ang mahihirap, may sakit, mga naapektuhan ng kalamidad, at mga nasa laylayan ng lipunan.
Sa kaniyang Christmas message nitong Huwebes, Disyembre 25, 2025, ipinahayag ng Pangulo ang pag-asa na magpapatuloy ang paggabay ng pagmamahal at mabuting kalooban sa mga pamilya at komunidad ngayong kapaskuhan.
“As we enjoy our gatherings, let us also remember those who are in most need of our compassion and generosity – the poor, sick, calamity-stricken, and marginalized. Like Jesus who brought salvation to the world, let us share our abundance with the people around us,” ani PBBM.
Dagdag pa niya, “Let us bring kindness, happiness, and good cheer to everyone we meet, especially to our children for whom these festivities are really for.”
Updated! Road closures at re-routing ng mga sasakyan simula Enero 8, para sa Traslacion 2026
Hinimok din ng Pangulo ang publiko na magbigay ng liwanag at kabutihan para sa kapwa—hindi lamang ngayong Pasko kundi maging sa mga susunod pang taon.
“I join the entire nation as we celebrate the joyful and blessed day of Christmas. Once again, it is the time of the year when we gather to honor the birth of Christ our Savior, thank the Lord Almighty for all the graces that we have received throughout the year, and enjoy the company of our dearest friends, families, and loved ones,” pahayag niya.
Saad pa niya, “Truly, no other occasion stirs a warmer and more festive spirit in all of us than the Filipino Christmas, which gives us countless moments to appreciate and cherish life's many blessings.”
Sa hiwalay na Facebook post na may kasamang larawan ng kanyang pamilya, binati rin ni Marcos ang mga Pilipino at hinikayat ang pagbabahagi ng pagmamahal at biyaya.
“Mula sa aming pamilya, ipinaaabot namin ang aming taos-pusong pagbati ng isang maligayang Pasko sa bawat pamilyang Pilipino, saan man kayo naroroon sa mundo. Nawa’y maging panahon ito ng pagmamahalan, pasasalamat, at pagbabahagi ng biyaya sa isa’t isa,” ani ng Pangulo.
