Kinumpirma ni Department of Interior and Local Government (DILG) Sec. Jonvic Remulla ang naging pagbisita umano ni Vice President Sara Duterte sa Bureau of Jail Management and Penology (BJMP) sa Camp Bagong Diwa para kumustahin si dating Negros Oriental 3rd District Rep. Arnolfo “Arnie” Teves Jr. at hindi si Ramil Madriaga.
Ayon sa isinagawang press briefing ng National Police Commission (NAPOLCOM) nitong Martes, Disyembre 23, sinabi ni Remulla na pumunta sa BJMP at kinausap ni VP Sara sa Teves.
“Pumunta siya roon pero kinausap niya si Ernie Teves hindi si Madriaga. Si Arvie Teves ang kinausap niya,” pagsisimula niya.
Ani Remulla, wala naman daw na maraming pinag-usapan si VP Sara at Teves kundi nagkumustahan lang ang mga ito, ayon sa report sa kaniya ng warden ng BJMP.
'Flood control projects budget sa 2026, mas 'specific' sa foreign assisted projects!'—DBM Sec. Toledo
“May records ‘yong warden [na] pinakita. The warden was there, present during the meeting. Wala naman daw pinag-usapan masyado kundi nagkumustahan lang so that was the extent the report to me,” paliwanag niya.
Matatandaang isiniwalat noon sa publiko ng abogado at legal counsel ng nagpakilalang si Ramil Madriaga na dalawang beses na umanong dumalaw si VP Sara sa BJMP kung saan naroon ang nagpakilalang “bagman.”
“Positive po ito. We have other sources for it nag-confirm na talagang binibisita ni Sara si Ka Ramil. No’ng visit ko po ng October 18, may naka-monitor din po… The next day, October 19, bumisita si VP Sara no’ng gabi kaya may text na pumunta daw ako doon,” ani Atty. Raymund Palad noong Disyembre 18, 2025.
Dagdag pa niya, “Dalawang beses po siya nagpunta dito. ‘Yun isang beses po late night na. Ang ibang bisita po ay staff niya.”
Samantala, wala pa naman inilalabas na pahayag ang kampo ni Madriaga kaugnay sa kinumpirma ni Remulla sa pagbisita ni VP Sara sa BJMP.
MAKI-BALITA: VP Sara, itinanggi personal na relasyon kay Ramil Madriaga
MAKI-BALITA: BJMP, kailangang masigurado kaligtasan ni Ramil Madriaga—Leila De Lima
Mc Vincent Mirabuna/Balita
