May natagpuan umanong kutsilyo at ilang mga gamot ang National Bureau of Investigation (NBI) sa kuwarto ng hotel na huling tinuluyan ni dating Department of Public Works and Highways (DPWH) Usec. Catalina Cabral sa Benguet.
Ayon sa isinagawang press briefing ng National Police Commission (NAPOLCOM) nitong Martes, Disyembre 23, sinabi ni Acting Philippine National Police (PNP) Chief Jose Melencio Nartatez, Jr., na totoo raw na may nakitang kutsilyo at mga medisina ang NBI sa Ion Hotel na tinuluyan ni Cabral.
“As to the items left at the hotel room, particularly at the Ion Hotel, the National Bureau of Investigation applied for a search warrant to secure what are the items inside that hotel room,” pagsisimula niya.
Dagdag pa niya, “Para makuha [‘yong mga gamit] kasi doon ‘yong huling pinuntahan niya.”
Abante, laging inaaya ng golf ni Acop: 'I guess we have to play golf up in heaven!'
Ani Nartatez, maaari raw na ginamit ni Cabral ang kutsilyong natagpuan ng NBI para protektahan ang kaniyang sarili o normal na gamit lang nito.
“If you are talking about the knife or the items that are recovered. ‘Yong knife for self-protection or panggamit niya lang inside the bag,” paliwanag niya.
Pagpapatuloy ni Nartatez, nakuha na nila ngayon ang mga gamot pang natagpuan ng mga awtoridad sa nasabing hotel at pinag-aaralan na nila ito.
“While the medications, we secured that [and] we put that to study,” pagtatapos pa niya.
Bukod dito, matatandaang lumabas umano sa imbestigasyon na pagmamay-ari ng pumanaw na si Cabral ang hotel na tinuluyan niya sa Benguet hanggang 2025 at ibinenta ito sa nagngangalang “Eric Yap” nito ring taon.
MAKI-BALITA: ‘Anong relasyon?’ Hotel na tinuluyan ni ex-Usec. Cabral, ibinenta umano kay Eric Yap
Ayon sa naging panayam ng DZMM kay Department of Interior and Local Government (DILG) Sec. Jonvic Remulla na nakita raw nilang pagmamay-ari ni Cabral ang Ion Hotel na tinuluyan niya bago ito mahulog umano sa bangin sa Kennen Road noong gabi ng Huwebes, Disyembre 18, 2025.
Ani pa ni Remulla, evident daw na may relasyon sa negosyo sina Cabral at Yap.
“It is evident na may relasyon sila ni Eric Yap, business wise,” aniya.
Pagpapatuloy pa niya, evident din daw na dumaan sa opisina ni Cabral ang proyekto ng rock netting sa Tuba, Benguet, na si Yap ang supplier at kontratista.
MAKI-BALITA: Pag-embalsamo muna kay ex-DPWH Usec. Cabral, 'di nakaapekto sa autopsy, DNA testing—SILG Remulla
MAKI-BALITA: Hindi pa tapos? Mga solon, umapelang imbestigahan pagpanaw ni ex-DPWH Usec. Cabral
Mc Vincent Mirabuna/Balita
