Idinaan ni Cavite 4th district Rep. Kiko Barzaga sa isang Facebook post ang kaniya raw nararamdaman ngayon matapos siyang masuspinde sa Kamara.
Sa kaniyang FB post noong Sabado, Disyembre 20, 2025, iginiit niyang nasusulit daw niya ang pansamantala niyang pagkawala mula sa politika.
“For the first time in over 7 years, I enjoyed the feeling of being free from politics,” ani Barzaga.
Saad pa niya, “Suspension has given me priceless freedom!”
Trapiko sa expressways, nagsisimula nang bumigat bunsod ng holiday season—Toll Regulatory Board
Matatandaang noong Disyembre 1 nang tuluyang masuspinde sa si Barzaga matapos siyang patawan ng 60 araw na suspensyon ng Kamara.
Umabot sa 249 kongresista ang bumoto pabor sa suspensiyon, habang 11 ang nag-abstain at 5 ang kumontra.
KAUGNAY NA BALITA: 'Guilty sa ethics complaint!' Kiko Barzaga, 60 araw suspendido, wala ring suweldo
Bilang isa sa matutunog na kritiko ng kasalukuyang administrasyon, isang FB post ang ibinahagi ni Barzaga hinggil sa pagkamatay ni dating Department of Public Works and Highways (DPWH) Sec. Catalina Cabral.
“Wtf pinatay rin nila si DPWH Usec Cabral? Susunod na ba ako?” ani Barzaga.
KAUGNAY NA BALITA: Dating DPWH Usec. Cabral, pumanaw matapos mahulog umano sa bangin
Unang kinalaban ni Barzaga ang sa liderato noon sa Kamara ni dating House Speaker Martin Romualdez.
“I'm ready for anything. When it all started, when I fought against Romualdez, I was fully expecting to die, but kung sanctions lang naman edi that's much better than dying,” saad ni Barzaga.
