Bumwelta si dating Department of Finance (DOF) Usec. Cielo Magno sa nagbabansag sa kaniya na tagasuporta umano siya ni Pangulong Ferdinand “Bongbong” Marcos, Jr.
Sa latest episode ng “Politika All The Way” ng One PH kamakailan, sinabi ni Magno na matagal na umano siyang kritikal sa kasalukuyang administrasyon.
Ito ay matapos siyang magsampa ng plunder at iba pang kaso laban kay Vice President Sara Duterte kasama ang mga indibidwal at civil society group.
“We just filed the plunder case against VP Sara Duterte sa Ombudsman. And then sasabihin nila, pro-BBM daw ako. So, nakakatawa because I've been very critical of the administration,” saad ni Magno.
Rep. Pulong, umalma matapos aprubahan ₱63.9B pondo sa AICS
Dagdag pa niya, “I was part of the administration. So that's basically the logic as part of the administration. Therefore, I'm pro-BBM. Pero before I was appointed, I'm anti-BBM. So, parang 'di nila ma-reconcile 'yon.”
Matatandaang sinibak si Magno sa puwesto bilang DOF undersecretary noong 2023 dahil hindi umano niya sinusuportahan ang mga programa ng gobyerno tungo sa nation building.
Ito ay matapos niyang magbahagi ng cryptic post kung saan makikita ang isang graph tungkol sa economics concept ng supply at demand na tila patutsada sa rice price caps ng administrasyon.
