Tila nagdududa si Mamamayang Liberal (ML) Party-list Rep. Atty. Leila De Lima sa hindi umano paghahanap ng hustisya at pagtanggap ng imbestigasyon ng pamilya ni dating Department of Public Works and Highways (DPWH) Usec. Catalina Cabral sa pagpanaw nito.
“There is no question that in the crucial investigation of cases such as suspicious deaths, an autopsy and DNA tests are indispensable,” ayon kay De Lima sa kaniyang “X” account nitong Sabado, Disyembre 20,
Aniya pa, “something is really fishy” raw tungkol sa hindi pagpayag ng pamilya ni Cabral na sumailalim at imbestigahan ang pagkamatay nito.
“That’s why something is really fishy about the Cabral family's resistance to an autopsy and further investigation into former DPWH Usec. Maria Catalina Cabral’s death,” saad niya.
‘Anong relasyon?’ Hotel tinuluyan ni ex-Usec. Cabral, pagmamay-ari niya hanggang 2025; binenta kay Eric Yap
Diin ni De Lima, dapat daw ang pamilya ni Cabra ang unang sumisigaw ngayon ng hustisya at pagsasagawa ng imbestigasyon tungkol sa pagpatay nito ngunit tila handa raw na tanggapin na lang nila na aksidente ang nangyari.
“The family should be the first to be screaming for justice and demanding a full investigation. Instead, they refuse to treat it as a highly suspicious death—readily accepting that it was an accident and that the government should leave it at that,” aniya.
Dagdag pa niya, “It gives rise to speculation that the body is not Cabral’s and the driver and family are all involved in the alleged staged suicide.”
Pagpapatuloy ni De Lima, dapat daw makatunog ang Philippine National Police (PNP) na kailangang mabilis na aksyunan ang pagkamatay ni Cabral at maisailalim ito sa autopsy at DNA testing.
“This should raise alarm bells for the PNP. There is an urgent need for an autopsy and DNA test, with her personal effects confiscated as evidence in the investigation,” suhestiyon niya.
“[M]araming katanungan ang maaaring hindi na mabigyan ng kasagutan at kalinawan, kaya dapat lang na may urgency ang mga awtoridad sa paghagilap at pagprotekta sa mga ebidensya sa nangyari sa kanya at sa kinasasangkutan niyang anomalya,” paliwanag pa niya.
Ayon pa kay De Lima, hindi raw dapat kasabay na malibing ang umano’y bangkay ni Cabral kasama ang mga katibayan at katotohanan sa malawakang pandarambong sa bayan.
MAKI-BALITA: Dating DPWH Usec. Cabral, pumanaw matapos mahulog umano sa bangin
MAKI-BALITA: 'Her death invites great suspicion!' Rep. De Lima, umaasang 'di dead-end ng imbestigasyon pagpanaw ni Cabral
Mc Vincent Mirabuna/Balita
