Napatanong na lamang si Akbayan Party-list Rep. Perci Cendaña matapos ang pagpanaw ni dating Department of Public Works and Highways (DPWH) Undersecretary Catalina Cabral nitong Biyernes, Disyembre 19.

Sa ibinahaging social media post ni Cendaña, mababasa ang mga umano’y seryosong tanong na lumutang matapos ang pagpanaw ng dating undersecretary.

“As a key figure in the flood control investigations, the sudden death of DPWH Undersecretary Cabral raises serious questions: Who will benefit most from her death? Will the truth die with her? Will she be the ‘fall guy’ in this grand corruption scandal?” saad ni Cendaña sa kaniyang post.

Panawagan ngayon ng mambabatas ang dagliang proteksyon sa lahat ng mahahalagang records ni Cabral, na siyang magagamit sa imbestigasyon.

“In the interest of integrity and continuity of the investigations, we call for the immediate securing of all her relevant digital records. The government must further guarantee the safety of all witnesses, suspects, and persons of interest. We also urge that any ill-gotten wealth, if proven, be returned to public funds,” aniya.

Sa huli, ibinahagi niya ang pakikiramay sa pagpanaw ni Cabral.

“We extend our condolences to her family during this time,” pagtatapos niya.

KAUGNAY NA BALITA: Dating DPWH Usec. Cabral, pumanaw matapos mahulog umano sa bangin-Balita

KAUGNAY NA BALITA: Palasyo, nakiramay sa pagkamatay ni ex-DPWH Usec. Cabral-Balita

Nauna na ring nagpahayag ng kaniyang mga sentimyento si Mamamayang Liberal Party-list Rep. Leila de Lima kaugnay sa pagkamatay ng ex-DPWH undersecretary.

“Hindi ito dapat maging dead end ng mga imbestigasyon. Mabilis na ring kumikilos ang mastermind o mga mastermind at sindikato para makalusot sa pandarambong kaya wala dapat sayanging oras ang mga kinauukulan sa paghahanap at pagprotekta sa mga ebidensya at sa pagpapanagot sa lahat ng sangkot,” saad ni De Lima sa kaniyang social media post nitong Biyernes, Disyembre 19.

MAKI-BALITA: 'Her death invites great suspicion!' Rep. De Lima, umaasang 'di dead-end ng imbestigasyon pagpanaw ni Cabral-Balita

Vincent Gutierrez/BALITA