Mainit ang naging pagtanggap ng Metropolitan Manila Development Authority (MMDA) kay dating Philippine National Police (PNP) Chief Gen. Nicolas Torre III sa kaniyang pagkakatalaga bilang bagong MMDA General Manager nitong Biyernes, Disyembre 19.
Sa opisyal na pahayag ng MMDA sa kanilang social media, binanggit nilang nakatuon ang buong pagsuporta nila kay Torre bilang bago nilang General Manager.
Kumpiyansa rin daw ang ahensya na sa karanasan ni Torre sa serbisyo-pampubliko at pagpapatupad ng batas, maagap nitong magagampanan ang kanilang mandato sa traffic management at public safety.
“The MMDA expresses its full support to the decision of President Ferdinand R. Marcos Jr. in his trust for Gen. Torre, whose extensive experience in public service and law enforcement is expected to further strengthen the MMDA’s mandate in traffic management and public safety, among others, across Metro Manila,” saad ng MMDA.
'Huwaran ng integridad!' House Speaker Bojie Dy, nakiramay sa pagpanaw ni Rep. Romeo Acop
Ani pa ni MMDA Chairman Don Artes, magiging malaking tulong sa ahensya si Torre.
"Gen. Torre is a welcome addition to the MMDA family. I am sure he will be a big help to the agency," saad ni Artes.
Kinilala rin sa ng ahensya sa kanilang pahayag ang naging serbisyo at dedikasyon ni Procopio Lipana bilang dati nilang general manager sa loob ng tatlong taon.
“The MMDA likewise extends its sincere appreciation to former General Manager Procopio Lipana for his dedication and valuable contributions to MMDA for more than three years, which helped advance key programs and institutional reforms in the agency,” pagkilala ng MMDA.
Sa pagtatapos ng nasabing pahayag, tiniyak ng MMDA na mananatili silang totoo sa kanilang misyon na panatilihing ligtas, maayos, at episyente ang kanilang serbisyo sa buong Metro Manila.
“The MMDA remains committed to continuing its mission of ensuring safe, efficient, and orderly mobility and development in Metro Manila with the appointment of Gen. Torre,” pagtitiyak ng MMDA sa publiko.
Matatandaang sinibak bilang PNP Chief si Torre noong Agosto nitong taon kung saan ayon kay Department of the Interior and Local Government (DILG) Sec. Jonvic Remulla, naging mahirap ang desisyon para kay Pangulong Ferdinand “Bongbong” Marcos Jr.
Sean Antonio/BALITA
