Kumontra ang kampo ni dating Pangulong Rodrigo Duterte sa resultang “fit to trial” ito mula sa pagsusuri ng mga medical experts sa kaniya.
Ayon sa ulat ng Manila Bulletin nitong Biyernes, Disyembre 19, sinabi ng abogado ng dating pangulo na si Atty. Nicholas Kaufman na “inconsistent” daw ang bigat ng kabuuang konklusyon ng mga medical experts na sumuri kay FPRRD.
“Such internal inconsistencies undermine the overall weight of the general joint conclusion on fitness,” mababasa sa bukod na 12 pahinang isinumite nila Kaufman.
Dahil dito, humiling umano ang kampo ni FPRRD ng “evidentiary hearing” para makuwestiyon ang naging konklusyon ng mga medical experts bago magdesisyon ang Korte.
MMDA Chair Artes, winelcome si ex-PNP Chief Gen. Torre bilang bagong MMDA General Manager
Matatandaang idineklara umano ng lahat ng independent medical experts na sumuri sa dating Pangulo na “fit to stand trial” ito at puwede nang humarap sa paghuhusga ng hukuman ng International Criminal Court (ICC).
MAKI-BALITA: Medical experts, idineklarang 'fit to trial' si FPRRD
“ICC Update: All independent medical experts find Duterte ‘fit to stand trial’. In separate submissions, the Prosecution, Defense, and OPCV (interim victims legal representative) submitted comments and observations about the reports they received on December 8, 2025,” mababasa sa thread ng human rights advocates at ICC assisting counsel na si Atty. Kristina Conti nitong Biyernes, Disyembre 19, 2025.
“Prosecutor noted, that while Duterte is ‘frail and elderly’, the reports show that "each Panel member independently concluded that Mr Duterte has the ability to: (i) understand the charges and evidence; (ii) understand the conduct, purpose, and possible consequences of the pre-trial proceedings; and (iii) instruct Counsel for the preparation and conduct of his defence,” pagbabahagi niya.
Samantala, nasa Pre-Trial Chamber na raw ang desisyon kung tatanggapin nila ang mga pinag-aralan ng medical experts kaugnay kay FPRRD at kung kailangan itutuloy susunod na pagdinig.
MAKI-BALITA: 'Rejected!' 'Humanitarian reasons para sa interim release ni FPRRD, 'di pinayagan ng ICC
Mc Vincent Mirabuna/Balita
