Pinaalalahan ng toxics watchdog na BAN Toxics ang mga magulang na maging maingat sa bibilhing plastic hornpipes o torotot para sa kanilang mga anak sa pagdiriwang ng Bagong Taon.
Ayon sa naging pahayag ng BAN Toxics sa kanilang Facebook page noong Martes, Disyembre 16, sinabi nilang maaaring magtaglay ang mga plastic na torotot ng neurotoxins na makakaepekto sa development ng utak ng isang bata.
“[B]e extra cautious when buying plastic hornpipes or “torotot,” as some may contain harmful chemicals such as lead and mercury, known neurotoxins that can severely affect a child’s brain development,” pagsisimula nila.
Dagdag pa nila, “While torotot are often promoted as a safer alternative to firecrackers, the group, which advocates for safe toys for children, emphasized the need for the public to be aware that plastic hornpipes may contain harmful chemicals and urged parents and caregivers to closely supervise children while using and playing with them.”
‘Anong relasyon?’ Hotel na tinuluyan ni ex-Usec. Cabral, ibinenta umano kay Eric Yap
Pagpapatuloy pa ng BAN Toxics, bumili raw sila ng 12 na mga plastic na torotot sa Baclaran, Pasay City at Divisoria, Manila na may presyo mula ₱15 hanggang ₱40 at nagpositibo ang mga ito sa mga kemikal na lead sa lebel na 980 parts per million (ppm) at mercury na umabot sa sukat na 190 ppm.
Anila, bukod sa mga kemikal na lead at mercury, nakitaan din nila ang mga sinuring plastic na torotot ng barium, bromine, chlorine, at chromium.
Pagdidiin nila, “The group also noted that none of the samples were properly labeled, as required under Republic Act No. 10620, or the Toy and Game Safety Labeling Act of 2013.”
Mungkahi naman ng BAN Toxics, dapat daw na maging mapagmatyag ang mga bibili ng produkto para sa mga bata at suriin kung pasok ang labels, kulay at materyal na ginamit sa isang laruan ayon na rin sa mandato ng batas na Republic Act 10620.
“Republic Act 10620 mandates that all toys and games, whether locally or internationally manufactured, imported, donated, distributed, or sold in the Philippines, comply with the safety labeling and manufacturer’s marking requirements set forth in the Philippine National Standards (PNS) for toy safety. Similarly, the DENR Chemical Control Order for Lead and Lead Compounds prohibits the use of lead in the production and manufacturing of toys,” paliwanag nila.
MAKI-BALITA: 'Goodbye Chismosa, Goodbye Bading kasama sa listahan ng mga ipinagbabawal na paputok
Mc Vincent Mirabuna/Balita
