May sagot ang Department of Transportation (DOTr) sa ilang mga tanong ng netizens kaugnay sa kanilang "12 Days na Libreng Sakay" mula Disyembre 14 hanggang Disyembre 25.
Umani kasi ng reaksiyon at komento sa publiko ang anunsyo ng DOTr tungkol sa balak nilang 2 araw na Libreng Sakay sa LRT-1, LRT-2, at MRT-3 bilang bahagi ng utos ni Pangulong Ferdinand R. Marcos Jr. na tiyakin ang ligtas, maginhawa, at masayang biyahe para sa mga komyuter ngayong Kapaskuhan.
Sa ilalim ng programang “12 Days na Libreng Sakay,” tuwing isang araw ay may nakatalagang sektor na maaaring makapagbiyahe nang libre sa tatlong rail lines:
December 14 – Senior Citizens
COA: 69% ng kulungan sa bansa, siksikan na!
December 15 – Students
December 16 – Overseas Filipino Workers (OFWs) at kanilang pamilya
December 17 – Teachers at Health Workers
December 18 – Persons with Disabilities (PWDs) at mga lalaking pasahero
December 19 – Government Employees
December 20 – Babaeng Pasahero
December 21 – Pamilya (kahit ilan ang miyembro)
December 22 – Solo Parents at LGBTQIA+ members
December 23 – Private Sector Employees at mga Kasambahay
December 24 – Uniformed Personnel, Veterans, at kanilang pamilya
December 25 – Lahat ng Komyuter
Layunin daw ng programa na maipadama ang diwa ng Pasko sa publiko sa pamamagitan ng libreng, ligtas at komportableng pagbiyahe.
Samantala, narito naman ang ilan sa mga naging "concerns" pati na ang mga reaksiyon at komento ng netizens, lalo na para sa LGBTQIA+ community at mga kasambahay.
"Maganda naman, kaya lang paano kapag LGBT, papakita ba namin Grindr?"
"Bayad po, isang bakla po, sa Taft Avenue lang po... ganern?"
"December 22 Qualifications - Grindr"
"How do I ride the train on December 22 as a pansexual? Do I bring onlypans? Or which kind of pan de sal? From the bakery or the six-pack in my tummy? (Okay. I think I should wear a man-skirt and carry a tote bag)."
"Paano malaman kapag kasambahay? May walis na kasama?"
"How they will classify and check the status of each passenger for the eligibility?"
"It would be better to grant 25% discount on all fares for everyone."
"Mas gusto po namin mapaganda ang public transport at maging friendly sa persons with disability kaysa sa panandaliang libre na sakay."
"ganto na lang: from 14 to 24, free yung tickets ng peak hours. 25, all commuters."
Maki-Balita: 'Pag beks, papakita Grindr?' Scheduling ng DOTr libreng sakay, umani ng reaksiyon
Nakipag-ugnayan naman ang Balita sa DOTr upang alamin ang kanilang reaksiyon, tugon, o pahayag kaugnay sa isyu.
"For LGBTQIA+, no ID shall be required to be presented. Same with household helper, no ID shall be required. Thank you," anila.
Nagpaalala rin sila sa kanilang Facebook post na hindi naman magiging istrikto ang polisiya dahil "regalo" ito ng pamahalaan para sa mga pasahero, ayon kay Transportation Secretary Giovanni Lopez.
“The basic rule, since ito po ay pamaskong handog, sinabihan ko na po ang ating kasamahan sa LRT-1, LRT-2, at MRT-3 that we don’t have to be very strict [sa libreng sakay]. Ito naman po ay regalo ng ating Pangulo,” aniya.
“Sa mga pasahero naman nating nasa LGBTQIA+, walang requirement. They just have to get their free ticket, and say that they are availing of the free ride, no questions asked,” aniya.
