Binasag na ng TV at concert director na si Paolo Valenciano ang katahimikan kaugnay sa major delay na nangyari sa JBL Sound Fest na ginanap sa Pasig noong Sabado, Disyembre 6.
Sa isang Facebook post ni Paolo nitong Linggo, Disyembre 7, humingi siya ng dispensa sa lahat ng taong naapektuhan sa nangyari.
“I sincerely apologize to our client JBL and to my brothers from Cup of Joe (who had to be picked up by motorcycles in traffic jams just to make their new call time),” saad ni Paolo.
Dagdag pa niya, “This was my first year with JBL Sound Fest so I found this incredibly frustrating. We learn new things every day and I know I still have a lot to improve!! To everyone who was there, super sorry”
'Mapapasubo?' Doris Bigornia, kakayanin 8 MMFF movies basta ka-date si Atom Araullo
Samantala, sa huling bahagi ng post, may makahulugang mensahe siyang iniwan para sa singer-songwriter na si Rico Blanco.
“And to Rico, my hero, while I sincerely wish you the best, I’ve learned that we’re simply not meant to work together again,” ani Paolo.
Sa kasalukuyan, habang isinusulat ang artikulong ito, wala pang inilalabas na pahayag si Rico kaugnay sa isyu. Bukas ang Balita para sa kaniyang panig.
