Pinaigting ng Anti-Money Laundering Council (AMLC) ang kanilang imbestigasyon laban sa iregularidad ng umano’y flood control projects sa Pilipinas.
Ayon sa ibinaba nilang ulat nitong Biyernes, Disyembre 5, muli silang nakakuha ng Freeze Order mula sa Court of Appeals.
Saad naman ni AMLC Executive Director Matthew David, “The filing of this Petition for a Freeze Order underscores the AMLC's firm commitment to recover every peso of public funds that may have been misused.”
Saklaw umano ng Freeze Order na ito ang 280 accounts, 22 insurance policies, 3 securities accounts, at 8 air assets.
Sen. Bato, masayang nakita ang apo
Natuklasan ng Court of Appeals na sapat na batayan ang assets na ito para iugnay sa posibleng paglabag sa Republic Act No. 3019 o ang Anti-Graft and Corrupt Practices Act pati na rin ang Malversation of Public Funds and Property sa ilalim ng Article 217 ng Revised Penal Code.
Sa kasalukuyan, umabot na sa 4,679 bank accounts, 283 insurance policies, 255 motor vehicles, 178 real properties, 16 e-wallet accounts, at 3 securities accounts ang napatawan ng Frozen Order dahil sa pagkakaugnay sa maanomalyang flood control projects.
Ang kabuuang halaga ng lahat ng ito ay pumapalo sa ₱13 bilyon. Inaasahang tataas pa ito sa pagpapaigting ng imbestigasyon ng AMLC.
