Pagpapatahimik kay Kiko Barzaga, maaaring mangyari din sa ordinaryong Pilipino

Pagpapatahimik kay Kiko Barzaga, maaaring mangyari din sa ordinaryong Pilipino—VP Sara

Tila hindi sang-ayon si Vice President Sara Duterte sa pagkakasuspinde kay Cavite 4th District Kiko Barzaga sa Kamara.

Ayon sa inilabas na pahayag ni VP Sara sa kaniyang Facebook post nitong Miyerkules, Disyembre 3, sinabi niyang hindi dapat ituring na banta ang pagsalungat ng ilang indibidwal.

“In a nation that takes pride in democracy, dissent should not be treated as a threat. The right to speak freely is not granted by those in power; it is a fundamental right guaranteed and protected by our very Constitution,” aniya.

KAUGNAY NA BALITA: ‘Democracy demands courage!’ VP Sara, 'di pumabor sa pagsuspinde sa Kamara ni Kiko Barzaga

Ani VP Sara, karapatan ng bawat Pilipino ang magsiwalat ng katotohanan at ang nangyari kay Barzaga ay maaari raw mangyari rin sa mga ordinaryong Pilipino.

“Karapatan ito ng bawat Pilipino, lalo na ng mga lingkod-bayan na may tungkuling magsiwalat ng katotohanan. Kaya kung ang isang halal ng bayan tulad ni Cong. Barzaga ay maaaring patahimikin, paano pa ang mga ordinaryong Pilipinong wala namang kapangyarihan o posisyon?” pagkukuwestiyon pa niya.

Pagpapatuloy pa niya, salik ng demokrasya ang katapangan, kalayaang magsalita at magtanong.

“Democracy demands courage. Democracy demands the freedom to speak and the freedom to question,” pagdidiin niya.

“I stand with every Filipino who refuses to be intimidated,” pagtatapos pa niya.

Matatandaang sinupalpal ng Kamara si Barzaga matapos siyang suspendehin ng 60 araw nang walang suweldo noong Lunes, Disyembre 1, base sa rekomendasyon ng House ethics committee.

MAKI-BALITA: 'Guilty sa ethics complaint!' Kiko Barzaga, 60 araw suspendido, wala ring suweldo

Sa plenary session, binasa ni 4Ps Rep. JC Abalos ang findings ng komite na nagsasabing nagkasala si Barzaga ng disorderly behavior dahil sa umano’y hindi angkop at bastos na mga post at larawan sa kaniyang social media accounts.

Umabot sa 249 kongresista ang bumoto pabor sa suspensyon, habang 11 ang nag-abstain at 5 ang kumontra.

MAKI-BALITA: Banat ni Barzaga: Maraming congressman may kabit, 'di na-eethics complaint!

MAKI-BALITA: Barzaga, ginagamit pangalan ni PBBM para magpakalat ng disimpormasyon—Palasyo

Mc Vincent Mirabuna/Balita

Crime rate sa bansa, bumaba ng 12.86% sa huling quarter ng taon–PNP

Iniulat ng Philippine National Police (PNP) nitong Biyernes, Disyembre 12, ang pagkakaroon ng 12.86% pagbaba ng krimen sa bansa mula Oktubre hanggang Nobyembre 2025.Sa nasabing pahayag, ibinahagi rin ng PNP na bumaba sa 2,615 noong Nobyembre ang kabuuang bilang ng mga kaso mula sa bilang na 3,001 noong Oktubre. Sa walong “focus crimes” na kinokonsidera ng PNP, ang nakapagtala ng...

'Dedma kung dating hepe!' DILG, tiwalang kayang arestuhin ng PNP si Sen. Bato

Kumpiyansa ang Department of Interior and Local Government (DILG) na magiging propesyonal ang Philippine National Police (PNP) kay Sen. Ronald “Bato” dela Rosa, kung sakaling lumabas na ang arrest warrant niya mula sa International Criminal Court (ICC).Sa panayam ng media kay DILG Assistant Secretary Donnie Puno nitong Biyernes, Disyembre 12, 2025, iginiit niyang naniniwala silang tatalima ang...

PBBM sa sektor ng edukasyon: 'Na-neglect natin nang napakatagal!'

Inamin ni Pangulong Ferdinand “Bongbong” Marcos Jr. na tila napabayaan nang napakatagal ang sektor ng edukasyon sa bansa.Sa isinagawang BBM Podcast kamakailan ng Pangulo kasama ang tatlong mag-aaral mula sa iba’t ibang unibersidad sa Pilipinas, iginiit niyang hindi naman napapabayaan ang State Universities and Colleges (SUCs) sapagkat mayroong budget para dito, ngunit talagang ang pundasyon...