Hindi muna mag-iisyu ng voter certification ang Commission on Elections (Comelec) sa kanilang punong tanggapan sa Intramuros, Manila.
Ayon sa Comelec, ito ay bunsod nang isinasagawang maintenance sa server ng Data Center Automated Fingerprint Identification System (AFIS) ng Information Technology Department ng ahensiya.
Sa anunsiyo ng Comelec sa kanilang Facebook page, sinabi ng poll body na ang suspensiyon ay epektibo nitong Disyembre 3 at magtatagal, ‘until further notice.’
“The issuance of Voter Certification at the COMELEC-National Central File Division (NCFD), FEMII Building, Extension Cabildo Street cor. A. Soriano Avenue, Intramuros, Manila is TEMPORARILY SUSPENDED, effective 3 December 2025 (Wednesday), until further notice, due to maintenance of the Data Center AFIS [Automated Fingerprint Identification System] Server at the Information Technology Department of this Commission,” abiso pa ng poll body.
Need ba ng proof?' DOTr nilinaw libreng sakay para sa LGBTQIA+, kasambahay, solo parents
Pinayuhan naman ng Comelec ang publiko na kumuha muna ng kanilang voter certification sa office of the election (OEO) officer sa kanilang munisipalidad o lungsod, kung saan sila nakarehistro bilang botante.
