Flinex ng Kapuso actor na si Dennis Trillo ang “honest politician” look niya sa ginanap na 41st Philippine Movie Press Club (PMPC) Star Awards for Movies sa Makabagong San Juan Theater kamakailan.
Kasabay nito ang pagtanggap ni Dennis ng parangal bilang “Male Star of the Night” na aniya, ngayon lang daw niya napanalunan matapos ang kaniyang effort nang higit dalawang dekada.
“Sarap din pala sa pakiramdam…20 plus years na akong nag eeffort….ngayon lang ako nanalo ng Male Star of the Night! Wow what a night! buti nalang at marami ding absent kanina, yes!!!” saad ni Dennis sa kaniyang social media post.
“Thank you sa aking Stylist @ajalberto & @iancovinarao…For my Fabulous ‘Honest Politician’ look…love you guys,” dagdag pa niya.
Ibinahagi niya ring nanalo siya ng “Best Actor” award para sa kaniyang pagganap sa pelikulang “Green Bones.”
Photo courtesy: dennistrillo/IG
Dahil dito, umani si Dennis ng “congratulatory comments” mula sa kaniyang kapwa celebrities, at maging sa kaniyang mga tagasuporta.
Photo courtesy: dennistrillo/IG
Ilan din sa mga pinarangalan sa naturang awards night ay sina “Star for All Seasons” Vilma Santos (Best Actress, Uninvited), Aga Muhlach (Movie Actor of the Year, Uninvited), Kaila Estrada (New Movie Actress of the Year, Un/Happy For You), at Will Ashley (New Movie Actor of the Year, Balota).
Vincent Gutierrez/BALITA
