Nakatakda nang desisyunan ng International Criminal Court (ICC) ang mosyong interim release ni dating Pangulong Rodrigo Duterte bukas, Biyernes, Nobyembre 28.
“On Friday, 28 November 2025 at 10h30, the Appeals Chamber of the International Criminal Court (ICC) will deliver its judgment on the appeal of Mr. Rodrigo Roa Duterte against Pre Trial Chamber I’s ‘Decision on the Defence’s ‘Urgent Request for Interim Release’ and ‘Renewed Request for Interim Release’” of 26 September 2025,” ayon sa ICC.
Matatandaang ni-reject ng Pre-Trial Chamber I (PTC I) ang interim release application ng dating Pangulo noong Setyembre 26, dahil sa umano'y mga pahayag ng mga anak ni Duterte, partikular ni Vice President Sara Duterte.
Bukod dito, naantala rin ang pagdinig para sa confirmation of charges ni Duterte na nakatakda sanang gawin noong Setyembre 21 hanggang Setyembre 26 dahil hindi umano kayang humarap ng dating Pangulo sa paglilitis.
Maki-Balita: Confirmation of charges ni FPRRD, itatakda agad sakaling mapatunayang ‘fit to stand trial’—Conti
PNP, susunod sa kautusan ng DOJ na ipatupad arrest warrant ng ICC vs Sen. Bato
Samantala, ila-livestream din ng ICC ang pagdinig patungkol sa interim release ni Duterte sa kanilang website, Facebook account, at YouTube Channel.
Magaganap ito ng 10:30 ng umaga oras sa Netherlands at 5:30 ng hapon dito sa Pilipinas.
