“Hindi ito rebelasyon, ito ay destabilisasyon!”
Pumalag si Ilocos Norte 1st District Representative at House Majority Leader Ferdinand Alexander "Sandro" Marcos laban sa umano’y alegasyong ibinato sa kaniya ni dating Ako Bicol Partylist Rep. Zaldy Co.
Kaugnay ito sa inilabas na bagong video statement ni Co at isiniwalat niyang mayroon din daw na ₱50.938 billion insertions si Sandro.
“Hindi lang po ang Pangulo ang may insertions sa budget pati po si Congressman Sandro Marcos, mayroon din pong pinapasok taon-taon. Noong 2023, may ₱9.636 billion, noong 2024 [ay] ₱20.173 billion, at nitong 2025 [ay] ₱21.127 billion. Lahat-lahat, ang kabuuan ay ₱50.938 billion,” pagsisiwalat ni Co sa kaniyang Facebook post nitong Martes, Nobyembre 25, 2025.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Samantala, ayon naman sa isinapubliko pahayag ni Sandro sa kaniyang Facebook post nitong ring Martes, sinabi niyang walang katotohanan ang mga paratang ni Co laban sa kaniya.
“Anyone can sit in front of a camera from abroad and spew lies. The statements from the newly crowned champion of the DDS cabal, former Congressman Zaldy Co, are frankly as fantastical as they are false,” pagsisimula niya.
Ani Sandro, hindi raw dapat paniwalaan ng publiko si Co dahil ang tanging interest lamang umano nito ay magsulong ng destabilisasyon sa gobyerno.
“I hope that the public can be reminded that we are talking of a person with no credibility whose vested interests are to release these videos to destabilize the government,” aniya.
Dagdag pa niya, “This is someone who our kababayan's know to be the architect of this mess yet continues to insult their intelligence by saying 'wala siyang nakuha'.”
Pagpapatuloy pa niya, nais lang din daw ni Co na maabswelto sa mga kinakaharap niyang kaso kaya nagtatangka itong pabagsakin ang kasalukuyang administrasyon.
“Evidently, the only path he sees for himself is one where he stirs political chaos in the hope of escaping his own legal troubles,” ‘ika niya.
“Gusto niyang pabagsakin ang kasalukuyang administrasyon para ma-abswelto siya sa kanyang mga krimen,” pagtatapos ni Sandro.
MAKI-BALITA: Zaldy Co, face-to-face sinabihang 'wag pakialaman, pigilan sa budget insertions ni PBBM?
MAKI-BALITA: 'Sinabi mismo ni Speaker Martin Romualdez sa akin na hati sila ni PBBM sa perang iyon'—Zaldy Co
Mc Vincent Mirabuna/Balita
