Sumakabilang buhay na sa edad na 91 ang beteranong South Korean actor na si Lee Soon Jae umaga nitong Martes, Nobyembre 25.
Gayunpaman, hindi nabanggit kung ano ang sanhi ng pagpanaw ng aktor.
SINO NGA BA SI LEE SOON JAE?
Ipinanganak noong 1934 sa Hoeryong, North Hamgyong Province, si Lee ay aktibo na sa entertainment industry nang higit 70 taon at nakilala bilang “oldest active actors” dahil sa higit 100 proyekto niyang kinabilangan.
Salamat sa ref! 2 mangingisda, 3 oras palutang-lutang sa ilog dahil sa bagyo
Ilan sa mga ito ay ang “Unstoppable High Kick!”, “Grandpas Over Flowers,” “Dog Knows Everything,” “Good Morning President,” at “Men of the Bath House.”
Pinarangalan din ng grand prize sa 2024 KBS Drama Awards si Lee para sa pagtatanghal niya sa TV series na “Dog Knows Everything.”
Bukod pa sa pagiging aktor, nanilbihan din bilang presidente ng Korea Broadcasting Actors Association si Lee noong dekada ‘70 at ‘80.
Mula naman 1992 hanggang 1996, hinirang siya bilang representante ng ika-14 National Assembly ng South Korea.
Sa kaugnay na ulat, nakiramay rin sa pamilya ni Lee si South Korean President Lee Jae Myung.
“I express my deepest condolences on the death of national actor Lee Soon-jae,” panimula ng Pangulo sa kaniyang pahayag.
“The works and messages left by the teacher will be conveyed as a valuable cultural heritage of Korea. I will long remember this teacher, who was a beloved artist and national actor who spared all generations,” aniya.
“Teacher's expression and voice are still vivid. May you rest in peace sir,” dagdag pa niya.
Sean Antonio/BALITA
