Kinlaro ni Cebu Governor Pam Baricuatro ang tungkol sa larawan niyang Artificial Intelligence (AI)-generated kung saan makikitang nakasuot siya ng SWAT uniform.
Ito ay matapos siyang sampahan ng kaso ni dating Cebu Provincial Detention and Rehabilitation Center (CPDRC) chief Byron Garcia dahil sa paglabag sa Article 179 ng Revised Penal Code o ilegal na paggamit ng uniporme at sagisag.
Kaya sa isang Facebook post ni Baricuatro noong Sabado, Nobyembre 21, inisa-isa niya ang mga facts tungkol sa naturang larawan.
“The image is AI-generated and not a real photograph of me in any police uniform. The uniform shown is not even an authentic PH SWAT uniform,” saad ni Baricuatro.
Taxi driver na tinangkang molestiyahin pasahero niya sa Davao City, tinutugis na!
Dagdag pa niya, “The photo circulating was a birthday gift from the Cebu Provincial Police Office (CPPO).”
Ayon sa gobernadora, lumilitaw umano na demolition tactic ng kalaban niya sa politika ang isinampang kaso laban sa kaniya.
“This case appears to be part of a demolition tactic by my political opponents, whom I have warned you about, an ongoing attempts to undermine my leadership,” aniya.
Matatandaang si Byron ay kapatid ni dating Cebu Governor Gwen Garcia.
Bukod dito, sinabi rin ni Baricuatro na walang nangyaring endorsement o official act na hinahangad sa pagbati ng CPPO.
Sa huli, tiniyak ni Baricuatro sa publiko na iginagalang niya ang batas at ang tamang paggamit ng mga sagisag. Makikipagtulungan daw siya sa tamang proseso.
“I remain devoted to serving Cebu and supporting our law enforcement partners,” pahabol pa niya.
