KaladKaren, may sey sa MU 2025 Q&A: 'Cote D'Ivoire, most impactful; PH most authentic'-Balita

KaladKaren, may sey sa MU 2025 Q&A: 'Cote D'Ivoire, most impactful; PH most authentic'

Hindi rin nagpahuli si showbiz news presenter Jervi “KaladKaren” Wrightson at inilahad din nito ang kaniyang sentimyento hinggil sa ginanap na Question and Answer (Q&A) portion sa Miss Universe 2025 sa Bangkok, Thailand nitong Biyernes, Nobyembre 21.

Komento ni KaladKaren, kapansin-pansin ang mga naging sagutan ni Miss Universe Philippines 2025 Ma. Ahtisa Manalo at Miss Universe Cote D’Ivoire 2025 Olivia Yace sa naturang kompetisyon.

“For me lang ha… Ms. Cote D’Ivoire gave the most impactful and coherent answer!” pagpuri ni KaladKaren sa kandidata sa kaniyang Facebook post nitong Biyernes, Nobyembre 21.

“Ms. Philippines gave the most authentic, coming from the heart answer… one that truly came from lived experience. But yeah…. Ok,” saad pa niya.

Photo courtesy: KaladKaren/FB

Sa hiwalay naman na post, pinuri pa ni KaladKaren ang performance ni Ahtisa sa Q&A. Aniya, bagama’t kinabahan, mula sa puso at may katotohanan daw ang naging sagot nito.

“I loooveeee Ahtisa’s performance in the Q&A. Didn’t sound rehearsed or memorized… she just answered from the heart. May kaba, may konting stutter… PERO MAY KATOTOHANAN! Very authentic eh! ‘Yun dapat eh. We love you, Ahtisa,” saad ni KaladKaren.

Photo courtesy: KaladKaren/FB

KAUGNAY NA BALITA: ALAMIN: Mga sagot ng Top 5 candidate sa Miss Universe 2025-Balita

Tila sang-ayon naman ang netizens sa ibinahaging pahayag ni KaladKaren.

“The moment that Cote D'Ivoire was announced 4th Runner up, I knew that this competition was rigged! The result was basically Nawat vs Raul HAHAHAHA”

“Of course, Its 74th MISS U-reverse 2025”

“Tama ka mima.. its either cot d viore ang ms U or its us Philippines.. naaahhh anong Luto yarrrn????”

“oo ma justice for her talaga kay ms. Cote D' Ivoire may winning glow eh”

“Very true ma! I thought Ivory Coast really nailed it talaga! So did Venezuela. Their answers were smart and insightful. But yea, Athisa's answer was the most authentic. She should've placed higher than Thailand, but ofc, sino ba ang owner?”

“Ms. Mexico! You may now walk-OUT as the new Ms. U-Reverse!”

Kinoronahan si Miss Universe Philippines 2025 bilang 3rd runner-up, samantalang 4th runner-up naman si Miss Universe Cote D'Ivoire 2025.

KAUGNAY NA BALITA: 'Di nasungkit ang korona!' Pilipinas, 3rd runner-up sa Miss Universe 2025-Balita

Vincent Gutierrez/BALITA

2 dambuhalang sawa, nahuli sa kisame ng magkaibang bahay, 1 sa kanila, nakalunok ng tuta!

Dalawang naghahabaang sawa ang nasagip ng mga awtoridad sa magkaibang residential area sa Leyte.Ayon sa mga ulat, nahuli ang unang sawa sa kisame ng isang bahay matapos itong mamataan ng isang residente.Tinatayang may haba ito ng mahigit 10 talampakan at napag-alaman ding nakalunok pa ito ng isang buhay na tuta.Ayon sa pagsusuri ng mga awtoridad, may sugat sa mata ang naturang sawa na kinailangang...

MMDA, dinepensahan traffic enforcer na pinagbintangang nagtatago sa kalsada

Ipinagtanggol ng Metro Manila Development Authority (MMDA) ang traffic enforcer nilang pinagkamalang nagtatago umano habang nasa lansangan.Sa Facebook post kasi ni Kuya Jerwin Moto nitong Sabado, Enero 24, ibinahagi niya ang larawan ng naturang traffic enforcer kalakip ang malisyosong caption.“FROM Unknown Follower - tagu taguan sa Nagtahan Bridge(ilalim) ganyan na po ba talaga ang sistema ng...

Bangkay ng babaeng 9 na buwan nang nakalibing, kinalkal sa libingan!

Natagpuan sa labas ng kaniyang nitso ang bangkay ng isang 36-anyos na babae na inilibing noong Abril 2025 sa Mabini, Bohol. Nadiskubre ang katawan sa Lungsodaan Public Cemetery sa labas ng nitso ng naturang bangkay.Ayon kay Police Senior Master Sergeant Emmanuel Habas, imbestigador ng Mabini Police Station, isang mag-asawang sina alyas “Carlo” at “Maria Grace” ang unang nakapansin na...