Nagpaabot ng pasasalamat si Sen. Risa Hontiveros sa kaniyang Facebook post nitong Huwebes, Nobyembre 20, matapos hatulang ‘guilty’ si dating dismissed Bamban City Mayor Alice Guo, na kilala rin bilang si Guo Hua Ping.
Kaugnay ito sa hatol na “guilty” ng Pasig City Regional Trial Court (Pasig RTC) Branch 167 kay Guo sa kasong Qualified Human Trafficking, matapos mapatunayan ang kaniyang pagkakasangkot sa ilegal na operasyon ng Philippine Offshore Gaming Operations (POGO) sa bansa.
MAKI-BALITA: 'Kulong habambuhay!' Alice Guo, iba pa, guilty sa kasong qualified human trafficking-Balita
“Today, justice has been served. The conviction of Alice Guo, aka Guo Hua Ping, is a victory against corruption, human trafficking, cybercrime, and many other transnational crimes. Ngayon, hindi na sila makakaulit,” panimula ni Hontiveros.
“This Senate investigation delivered unprecedented results: it helped secure a presidential executive order banning POGOs, provided evidence towards a guilty verdict, sending a criminal to prison for life, and contributed in the passage of the Anti-POGO Law of 2025. I am proud to consider it one of the most consequential Senate inquiries of my life’s work so far,” pagpapatuloy niya.
“Maraming salamat sa mga biktima, witnesses, at whistleblowers naglakas loob tumestigo sa Senado. Our deepest gratitude to our prosecutors at the DOJ who brought this case to justice. Sa ating mga law enforcers na hindi nagsawang mag-imbestiga, mag-raid, at mag-rescue, maraming salamat sa inyo. To the Filipino public, maraming salamat sa inyong maiging pagsubaybay at pagbabantay,” saad pa niya.
Ayon pa sa mambabatas, ang hatol na ito ay nagbigay sa kaniya ng pag-asa, ngunit aniya, malayo pa ang tatahakin nila sa trabahong ito.
“Bilang Chairperson ng Senate Committee on Women, Children, Family Relations, and Gender Equality na nanguna sa imbestigasyon, this makes me feel hopeful about the work we do. But it is far from over,” aniya.
“We will continue to demand accountability from every government agency that failed in their duties, and we will continue to investigate the full extent of Chinese intelligence operations in our country,” dagdag pa niya.
May mensahe rin si Hontiveros para sa mga umano’y kumunsinti kay Guo upang gawin ang naturang krimen.
“And to all others who enabled Alice Guo’s criminal empire: the Philippines is not a playground for exploitation, infiltration, and espionage. Accountability is coming. Justice always finds a way,” pagtatapos ni Hontiveros.
Photo courtesy: Senator Risa Hontiveros/FB
Matatandaang si Hontiveros ang nanguna sa imbestigasyong ito, partikular na ang operasyon ng POGO sa iba’t ibang bahagi ng bansa.
KAUGNAY NA BALITA: Mayor Alice Guo, may ugnayan sa mga ‘kriminal’ – Hontiveros-Balita
KAUGNAY NA BALITA: 'Sinong may kagagawan nito?' Alice Guo, nakaalis na ng 'Pinas -- Hontiveros-Balita
KAUGNAY NA BALITA: 'Maiiwasto na pagkakamali ng nakaraang admin!' Sen. Risa, overjoyed na naisabatas na ang na Anti-POGO Act-Balita
Vincent Gutierrez/BALITA
