Sinabi ni Independent Commission for Infrastructure (ICI) Executive Director Atty. Brian Hosaka na malaking bagay umano ang pagsisiwalat ni dating Ako Bicol Partylist Rep. Zaldy Co kung ito ay ginawa "under oath."
"Unang-una po sa lahat, tinitingnan ng Komisyon if this is a verified information or ito’y acceptable evidence. Malaking bagay sana kung ito ay ginawa under oath para mapatunayan talaga na ang sinasabi sa anumang statement o sa anumang video ay katotohanan talaga," ani Hosaka sa press briefing nitong Lunes, Nobyembre 17.
Kung magsusumite naman ng sworn affidavit si Co, ito raw ay tatanggapin ng ICI.
"Any sworn affidavit which is in a way verified already would be very much welcome by the Commission and this will be used in our investigation," dagdag pa ni Hosaka.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Ayon pa sa executive director, "Alam naman natin na under the rules of evidence kailangan talaga mga sworn affidavits ito, kailangan talaga verified… Under the rules of evidence kapag video ‘yan kailangan d’yan untampered, dire-diretso."
Kaugnay nito, hinamon ni Hosaka si Co na umuwi ng Pilipinas at tumestigo.
"We want to know his statements under oath before the commission. Kasi malaking bagay ‘yon e kailangan talaga nandito sila, in person testifying under oath para maging credible ang kanilang testimony," anang executive director.
Matatandaang noong Biyernes, Nobyemre 14, nang sabihin ni Co na nag-utos umano si Pangulong Bongbong Marcos na magpasok ng ₱100 bilyon sa 2025 national budget. Nabanggit din niya ang ilan pang government officials gaya nina dating House Speaker Martin Romualdez, Department of Budget and Management (DBM) Sec. Amenah Pangandaman, Usec. Adrian Bersamin, at Usec. Jojo Cadiz.
Maki-Balita: Zaldy Co, nanlaglag na? PBBM, nag-utos umano na mag-insert ng ₱100B sa 2025 budget
MGA KAUGNAY NA BALITA:
Maki-Balita: Zaldy Co, wala raw natanggap sa umano'y ₱100B insertions nina PBBM, ex-HS Romualdez
Maki-Balita: Zaldy Co, inilabas mga resibo ng mga maletang hinatid umano kina PBBM, ex-HS Romualdez
Maki-Balita: Zaldy Co, kinantang si Ex-HS Martin Romualdez nag-utos na 'wag siyang umuwi
