'Nasaan si Orly?' DOJ, hindi rin daw alam kung nasaan si Guteza-Balita

'Nasaan si Orly?' DOJ, hindi rin daw alam kung nasaan si Guteza

Hindi rin umano alam ng Department of Justice (DOJ) ang eksaktong kinaroroonan at kalagayan ngayon ni retired Marine TSgt. Orly Guteza.

Ayon sa naging pahayag ni DOJ Prosecutor General Atty. Richard Anthony Fadullon sa ikapitong pagdinig ng Senate Blue Ribbon Committee nitong Biyernes, Nobyembre 14, sinabi niyang wala raw sila sa posisyon para matukoy ang kinaroroonan ngayon ni Guteza.

“[The] Department of Justice would not be in any position to ascertain to whereabouts of Mr. Guteza,” pagsisimula niya.

Dagdag pa niya, “as far as we know, he did testify here in the Senate Blue Ribbon Committee but the Department of Justice never had any interaction with him after that particular testimony.”

Ani Fadullon, wala raw nakarating sa kanila na representasyon sa interest ni Guteza na sumailalim sa proteksyon ng DOJ.

“There was no representation made as to his interest in being covered in the program or being granted any protection,” aniya.

“We know for a fact that the intervention by the witness protection program is something which is done voluntarily by the one who is making the application,” paliwanag pa niya.

Dahil dito, nilinaw ni Fadullon na hindi raw sila nagkaroon ng kahit anong interaksyon kay Guteza matapos ang naging paglitaw nito noon sa pagdinig ng nasabing Komite.

“As much there were no applications made, we have not had, since the time of his testimony here before the Senate Blue Ribbon Committee, any interaction with Mister Guteza,” ‘ika niya.

“So we would not in any position to say where he is right now or what is his condition,” patatapos pa ni Fadullon.

Matapos nito, nilinaw naman ni Senate President Pro Tempore at Senate Blue Ribbon Committee Chairman Ping Lacson na nagpadala na raw sila ng imbitasyon kay Guteza sa lokasyong nakasaad sa driver’s license nito noon at humingi ng tulong kay Sen. Rodante Marcoleta ngunit wala rin daw koneksyon ngayon ang nasabing senador sa tesitigo.

MAKI-BALITA: 'Basura scheme?' Pagdeliver ng mga pera sa bahay nina Romualdez, Co, ikinanta ng dating sundalo

MAKI-BALITA: ‘Tinakot na pamilya?’ Orly Guteza, babaligtad bilang testigo dahil sa umano’y pine-pressure—Sen. Imee

Mc Vincent Mirabuna/Balita

Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno

Nagbigay ng reaksiyon si showbiz insider Ogie Diaz sa naging pasaring sa kaniya ni dating Presidential Anti-Corruption Commission (PACC) Chairman Greco Belgica, na hayaan na lamang sa mga lalaki ang gobyerno dahil gawain ng 'tunay na lalaki' ito.Nag-ugat ito nang Ibinahagi ni Diaz kamakailan ang isang pubmat patungkol sa naging umano'y banat ni Belgica laban kay dating senador...

Public school teacher, arestado sa drug buy-bust operation!

Isang guro sa pampublikong paaralan at ang live-in partner ang nasa kustodiya na ng mga awtoridad matapos maaresto sa isang drug buy-bust operation sa Barangay Poblacion, Compostela, Davao de Oro.Ayon sa mga awtoridad, isinagawa ang operasyon bandang 2:00 ng hapon nitong Linggo, Enero 25, 2026, sa pangunguna ng Philippine Drug Enforcement Agency (PDEA)–Davao de Oro.Kinilala ang guro sa alyas na...

Bulkang Mayon, 18 araw nang aktibo sa pag-aalboroto; lava flow, umabot na ng hanggang 3km

Nagpatuloy ang effusive eruption ng Bulkang Mayon sa ika-18 magkakasunod na araw nitong Enero 25, 2026, kung saan patuloy ang pag-agos ng lava na umabot sa tinatayang 1.3 hanggang 3.2 kilometro mula sa summit crater.Batay sa pinakahuling monitoring data ng Mayon Volcano Observatory, nakapagtala ng nagbabagang lava flows, pyroclastic density currents o “uson,” at sunod-sunod na pagguho ng bato...