Pormal nang pumalit bilang bagong Bureau of Internal Revenue (BIR) Commissioner si dating Department of Finance Undersecretary Charlito Martin Mendoza.
Ayon sa ibinahaging mga larawan ng Presidential Communication Office (PCO) sa kanilang Facebook page nitong Huwebes, Nobyembre 13, makikita ang pormal na panunumpa ni Mendoza bilang bagong BIR Commissioner kasama si Pangulong Ferdinand “Bongbong” Marcos, Jr.
“Pinangunahan ni Pangulong Ferdinand R. Marcos Jr. ang panunumpa ni Charlito Martin Mendoza bilang Commissioner ng Bureau of Internal Revenue,” mababasa sa caption ng PCO.
Photo courtesy: PCO (FB)
Anti-political dynasty bill, mas magandang hindi dapat madaliin—Palasyo
Bago nito, nauna na ring lumabas ang mga balita noong Miyerkules, Nobyembre 12, tungkol sa dokumentong ipinadala ng Pangulo sa tanggapan ni Mendoza na nagtatakdang siya ang bagong papalit kay dating BIR Commissioner Romeo Lumagui, Jr.
“Pursuant to the provisions of existing laws, you are hereby appointed COMMISSIONER, BUREAU OF INTERNAL REVENUE, DEPARTMENT OF FINANCE, vice Romeo D. Lumagui Jr.”
“By virtue hereof, you may qualify and perform the duties of the office, furnishing the Office of the President and the Civil Service Commission with copies of your Oath of Office,” mababasa sa nasabing dokumento.
Samantala, hindi naman nagbigay ng dahilan ang Pangulo at maging ng tanggapan nito kung bakit pinalitan sa puwesto si Lumagui.
MAKI-BALITA: 'Wala silang Merry Christmas!' Mga sangkot sa flood control scam, tapos na maliligayang araw—PBBM
MAKI-BALITA: 'Bigyan n'yo kami ng ebidensya!' Romualdez, wala sa listahan ng kakasuhan sa flood control scam—PBBM
Mc Vincent Mirabuba/Balita
