Pinaiimbestigahan ni Cebu Gov. Pam Baricuatro kay Pangulong Ferdinand “Bongbong” Marcos Jr. ang mga nangyaring matinding pagbaha sa Cebu mula sa kamakailang pananalasa ng bagyong Tino.
“In the span of just weeks, Cebu has endured tragedy upon tragedy. From the devastating September 30 earthquake, whose wounds we are still tending, to the unrelenting assault of Typhoon Tino, one of the worst flash floods to hit our province in recent memory, Cebu has been battered beyond measure,” saad ni Baricuatro sa kaniyang liham kay PBBM, na personal niyang inabot noong Biyernes, Nobyembre 7, sa pag-iinspeksyon nila sa mga lugar na napinsala ng bagyong Tino.
Ayon pa sa nasabing liham, ang mga pangyayaring ito sa probinsya at mga mamamayan nito ay hindi lamang bunsod ng bagsik ng kalikasan, ngunit pati na rin pagkukulang mula sa sistema na kinakailangan bigyang aksyon at pananagutan.
“Even the strongest deserve protection, justice, and deserve the assurance that our lives and our future are not left at the mercy of neglect, systematic gaps, or preventable failures,” ani Baricuatro.
Higit ₱10M halaga ng marijuana, nasabat sa Ilocos Sur
“Mr. President, what happened here must not be dismissed as mere fate or force of nature. It demands truth, accountability, and action,” dagdag pa niya sa liham.
Dahil dito, inisa-isa ng Gobernadora ang kaniyang mga partikular na pakiusap para sa probinsya ng Cebu.
Una, ay ang kumpleto at malayang imbestigasyon sa mga pinagmulan ng umano’y kapalpakan na nagdulot ng matitinding pagbaha.
Pangalawa, ang agarang suporta mula sa pamahalaang pambansa para mapagtibay ang pangkalikasang proteksyon ng Cebu, rehabilitasyon ng kanilang watershed, at disaster-risk infrastructure.
Pangatlo, ang agarang pagpapatupad ng climate-driven hazard programs sa probinsya bilang proteksyon ng mga komunidad sa kasagsagan ng mga matitinding sakuna.
Panghuli, ang pagkakaroon ng oportunidad mapag-usapan ang mga disaster prevention initiative sa Cebu para maiwasan ang pagkamatay ng mga mamamayan at pagkasira ng mga imprastraktura.
Sa pagtatapos ng nasabing liham, tiniyak ni Baricuatro na handang tumulong ang Cebu sa mga imbestigasyon na isasagawa ng pamahalaan, at mga programang ilulunsad nito.
“Cebu will rise, as it always has, but this time, we must rise with clear answers, stronger systems, and a renewed covenant of leadership centered on human life and dignity,” ani Baricuatro.
“We remain finally committed to partnership with the national government as we rebuild our beloved provinces, not merely to restore what was lost, but to secure what must never again be taken from us; the safety and future of every Cebuano,” dagdag pa niya.
Sean Antonio/BALITA
