Nanindigan si Senate President “Tito” Sotto na prayoridad nila ang dignidad ng senado sa kaniyang pahayag sa umano’y arrest warrant ng International Criminal Court (ICC) laban kay Sen. Ronald “Bato” Dela Rosa nitong Sabado, Nobyembre 8.
Base sa ipinadalang mensahe ni Sotto sa media, wala rin daw siyang impormasyon tungkol sa nasabing arrest warrant ngunit bilang Senate President, hindi niya hahayaan na may maganap na pag-aresto sa loob ng senado bilang “institutional courtesy.”
“To preserve the dignity of the Senate, and as a matter of institutional courtesy, we cannot allow any senator to be arrested in the Senate premises,” aniya.
Pagdating naman daw sa labas ng senado, hindi na niya saklaw ang mga magiging pangyayari.
'Ninakaw nila ang Pasko!' Sen. Imee, ibinalandra pulang bag na buwaya
“Outside the Senate premises, that’s no longer our concern,” dagdag pa niya.
Sa kaugnay na ulat, binanggit ni Atty. Israelito Torreon, ang legal counsel ni Dela Rosa, nito ring Nobyembre 8, na wala pa raw kumpirmasyon ang nasabing arrest warrant at pinaalalahanan ang publiko na huwag itong bigyang-kahulugan hangga’t wala pang inilalabas na opisyal na kaso ang ICC.
“At this point, we do not have independent confirmation as to whether or not this information is accurate. We therefore urge the public and the media to exercise caution and restraint in sharing or interpreting such reports until verified information is officially released by competent authorities or by the ICC itself,” saad niya sa kaniyang Facebook post.
Kung sakali namang mapatunayan ito, buo ang kanilang tiwala na susundin ng pamahalaan ang konstitusyon sa pagsasagawa ng due process.
“If proven true, we trust that the Philippine Government will act in accordance with the rule of law, and that any such action shall first pass through the proper local judicial confirmation process consistent with our Constitution, due process, and the sovereign rights of the Republic of the Philippines,” dagdag pa ni Torreon.
KAUGNAY NA BALITA: Kampo ni Sen. Bato sa arrest warrant ng ICC: 'If proven true, we trust the PH govt!'
Sean Antonio/BALITA
