May panawagan si Senate Minority Leader Alan Peter Cayetano sa liderato ng Senado kaugnay sa lumabas na balitang may warrant of arrest na ang International Criminal Court (ICC) laban sa kasamahang si Sen. Ronald “Bato” Dela Rosa, ngayong araw ng Sabado, Nobyembre 8.
Nagsimula ito sa naging paunang pahayag ni Ombudsman Jesus Crispin "Boying" Remulla na may warrant of arrest na raw ang ICC laban sa senador, na isinasangkot sa crimes against humanity case ni dating Pangulong Rodrigo Duterte, kaugnay sa madugong giyera kontra droga sa kaniyang administrasyon.
Bago naging senador, si Dela Rosa ay naging hepe ng Philippine National Police (PNP) sa panahon ng administrasyong Duterte, at sinasabing isa sa "chief architect" ng nabanggit na drug war.
Bagay na pinabulaanan naman ng kapatid ng Ombudsman na si Department of the Interior and Local Government (DILG) Sec. Jonvic Remulla, kung saan, sinabi niyang wala pa silang natatanggap na "red notice" mula sa International Criminal Police Organization (Interpol) kaugnay sa nabanggit na arrest warrant.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Kinumpirma rin ng Department of Justice (DOJ) na wala pa silang natatanggap na ICC arrest warrant o kahit red notice, laban kay Dela Rosa.
KAUGNAY NA BALITA: 'Ano ba talaga, Kuya?' Remulla at Remulla, nagkontrahan sa hakbang ng ICC kay Sen. Bato!
Nilinaw rin ng Malacañang na wala pa silang natatanggap na arrest warrant o red notice mula sa ICC o maging sa Interpol kaugnay nito.
"No confirmation. Busy sa ‘Uwan," batay sa mensaheng ipinadala ni Presidential Communications Office (PCO) Undersecretary at Palace Press Officer Claire Castro sa media.
KAUGNAY NA BALITA: 'No confirmation. Busy sa ‘Uwan!'—Malacañang, sa ICC arrest warrant ni Sen. Bato
Sa kaniyang pahayag ngayong Nobyembre 8, 2025 sa pamamagitan ng opisyal na Facebook post, sinabi ni Cayetano na ang lakas ng bansa ay nakaugat sa pananampalataya sa Diyos, sa batas, at sa mga institusyong nagpapatupad nito.
“The Supreme Court’s Rules on Extradition Proceedings remind us that if we are to restore the people’s trust in government, we must once again be a nation guided by principle and law — through the aid and guidance of the Almighty — and not by the shifting winds of politics or personal prejudice,” ani Cayetano.
Binanggit din niya na malinaw na inilatag ng Korte Suprema ang hangganan sa extradition at iba pang hakbang ng hustisya—na dapat itong nakabatay sa batas at due process, hindi sa emosyon o pagkiling.
“The Court has drawn the line clearly: extradition, and all acts of justice, must be rooted in law and due process, not in bias or emotion. Opinions change, but principles remain. That is how we preserve justice and protect democracy,” dagdag niya.
Binigyang-diin ni Cayetano ang usapin kaugnay ni Dela Rosa, at sinabing kailangang tiyakin ng pamahalaan na patas ang pagtrato sa lahat ng mamamayan.
“To our people, especially those following the developments involving Senator Ronald ‘Bato’ Dela Rosa — I want to assure you: no one is above the law, and no one is beneath its protection. Every Filipino, whether senator or citizen, deserves equal treatment and the full measure of due process,” aniya.
Hinimok din ng senador ang pamunuan ng Senado na igalang ang prinsipyo ng pantay na hustisya.
“I call on the Senate leadership to uphold this principle by protecting both the institution and the integrity of our laws. Let us show that the Senate stands not for privilege, but for fairness — that we will uphold for our members only what we are willing to uphold for every Filipino: justice without bias, and equality before the law,” dagdag niya.
Ayon kay Cayetano, muling manunumbalik ang tiwala ng publiko sa pamahalaan kapag tapat na ipinatutupad ang batas na walang kinikilingan, at pinangunahan ng prinsipyo at konsensiya.
“When the law is applied faithfully and without fear or favor, trust in government will follow. Because in the end, it is not our positions or politics that define us — it is our principles, our conscience, and our faith.”
Bilang pagtatapos, nagpahayag ang senador ng panawagan na huwag gamitin ang hustisya para sa layuning pampulitika.
“And let this be a reminder to all Filipinos — whether in power or in protest, in government or in opposition — that justice must never be used to settle political scores, but to serve truth. The law must not be a weapon to divide us, but a bridge that unites us in fairness, trust, and faith in the system we all depend on," aniya pa.
Samantala, sa pamamagitan ng ipinadalang mensahe sa media, naglabas na rin ng opisyal na pahayag si Senate President Tito Sotto III kaugnay sa usapin.
“To preserve the dignity of the Senate, and as a matter of institutional courtesy, we cannot allow any senator to be arrested in the Senate premises,” aniya.
Pagdating naman daw sa labas ng senado, hindi na niya saklaw ang mga magiging pangyayari.
"Outside the Senate premises, that’s no longer our concern,” dagdag pa niya.
KAUGNAY NA BALITA: ‘We cannot allow any senator to be arrested in the Senate premises!’ Tito Sotto, nagpahayag sa ICC arrest warrant ni Sen. Bato
Sa pamamagitan ng legal counsel na si Atty. Israelito Torreon, naglabas na rin ng opisyal na pahayag si Dela Rosa kaugnay rito.
"We have been made aware of circulating reports claiming that the International Criminal Court (ICC) has issued an arrest warrant against Senator Ronald 'Bato' Dela Rosa."
"At this point, we do not have independent confirmation as to whether or not this information is accurate. We therefore urge the public and the media to exercise caution and restraint in sharing or interpreting such reports until verified information is officially released by competent authorities or by the ICC itself."
"If proven true, we trust that the Philippine Government will act in accordance with the rule of law, and that any such action shall first pass through the proper local judicial confirmation process consistent with our Constitution, due process, and the sovereign rights of the Republic of the Philippines."
"For now, we shall await official confirmation before making any further statement on the matter," aniya.
KAUGNAY NA BALITA: Kampo ni Sen. Bato sa arrest warrant ng ICC: 'If proven true, we trust the PH govt!'
KAUGNAY NA BALITA: Sen. Alan sa ICC arrest warrant kay Sen. Bato: 'Deserves equal treatment, due process!'
