Sinuspinde ni Manila City Mayor Isko Moreno ang lahat ng klase sa pribado at pampublikong paaralan sa nasabing lungsod para sa dalawang araw na peaceful rally ng Iglesia ni Cristo (INC) sa Quirino Grandstand.
Sa latest Facebook post ng Manila Public Information Office (MPIO) nitong Biyernes, Nobyembre 7, nakasaad doon na ipinag-utos ni Moreno na ilipat ang klase mula face-to-face patungong alternative delivery mode (ADM).
Anang alkalde, “I am ordering the suspension of face-to-face classes in all levels on November 17 and 18. All schools are advised to implement Alternative Delivery Mode or ADM.”
Bukod dito, magbibigay din ang lokal na pamahalaan ng “perimeter support” kabilang na ang traffic, parking, police at medical assistance upang matiyak ang kaligtasan ng publiko sa palibot ng Luneta.
Misis, sinaksak ng mister sa leeg
“While we know that the INC is very organized whenever it holds a rally, the City Government of Manila will deploy teams to monitor and provide assistance outside Rizal Park,” dugtong pa ni Moreno.
Layunin ng nasabing protesta na isulong ang “transparency” at pananagutan pagdating sa mga usaping panlipunan.
Maki-Balita: Atty. Falcis sa ikakasang kilos-protesta ng INC: ‘Uy confirmed si tweety bird, November 15-18 ang Peace Rally’
