Nagbabalik na sa eksena ng pagkanta ang na-miss ng fans at supporters niyang si Jake Zyrus, matapos ang ilang taong pananahimik sa singing arena.
Oktubre pa lang, ibinida na ni Jake ang paglalabas niya ng reimagined versions ng mga pinasikat na awitin gaya ng "Pyramid," na original song niya noong siya ay si Charice pa.
Bukod sa Pyramid, kasama rin sa Extended Play (EP) na "Roots" ang mga awiting "Reset," "Nobody's Singing To Me," "Wherever You Are (feat. Cheesa)," "Yakap," at "Lighthouse."
"same songs, different heart. Roots. This November," mababasa sa caption ni Jake.
Tawag sa kaniya, ‘Maui Wowie!’ Darren, natuwa sa pag-viral ng ‘Maui Wowie’ performance
At nito ngang Martes, Nobyembre 4, inilabas na ni Jake ang teaser sa pag-awit niya ng Reset.
"A special one. It brings me home to the Philippines, to where it all began. Grateful I was given the space to make it my own, for myself and for all of you," aniya.
Sunod naman, inilabas niya ang teaser para sa track 2 ng Nobody's Singing To Me.
"Out of all the songs I’ve recorded, this one has always stayed with me. I’ve always loved its melody, and this time, I wanted it to finally sound the way it always did in my head. It might not have been one of the most known songs, but for me, it’s always been near the top," aniya pa.
Inaasahang sa mga susunod na araw ay ilalabas pa niya ang teasers o patikim sa reimagined versions ng mga nabanggit na songs.
