Nilinaw ng Kapuso star at "Pinoy Big Brother: Celebrity Collab Edition" Second Big Placer na si Will Ashley na totoo ang nabuong pagkakaibigan nila ng kapwa celebrity housemates, kahit lumabas na silang lahat sa Bahay ni Kuya.
Bahagi ito ng X post ni Will kung saan pumalag na siya sa haters at bashers na nagpapadala ng hateful comments laban sa kaniya, na dumadamay pa sa nanay at mga kaibigan niya; kaya naman, sinabi ng Kapuso star na pinag-iisipan na niyang kumonsulta sa legal counsels kung sakaling hindi pa rin ito hihinto.
"Also, my friends know better than you. Bakit sila nadadamay? Pati support system who keep us afloat and are there during the private moments of our lives, nadadrag ng walang dahilan. And this isn't just happening to me, pati sa ibang housemates," saad ni Will.
Nilinaw rin niyang totoo ang strong bond na nabuo nila sa loob ng PBB house, at lahat ng mga kilos at ginagawa nila ay hindi "calculated PR move."
'Mapapasubo?' Doris Bigornia, kakayanin 8 MMFF movies basta ka-date si Atom Araullo
"We built a strong bond in the house, hindi nyo ito masisira. Not everything we do is a calculated PR move, we are humans too."
"4 months kaming magkakasama, supporting each other every day through some of the toughest days of our lives, so obviously close talaga kami. Sana all the fans, including the very few of mine na gumagawa nito, let's tone it down please. Lahat kami we are just working for our dreams. Lahat kami mahal ang trabaho namin," giit pa niya.
Kaya naman saad niya sa haters at bashers, "I am consulting now for legal options in case this doesn't stop. I don't want to tolerate this hate anymore na ibinabato nyo sa kahit sino. Not me, not my friends and especially not my family. This is not a good use of our limited time on earth. "
"Sana use your time to spread love, positivity and support. Lastly, thank you to my fans who fight for me kahit minsan mahirap. Maraming salamat sa pagsama pa rin sa akin sa journey ko, kayo ang lakas ko. Know I appreciate you all and mahal ko kayong lahat," aniya.
KAUGNAY NA BALITA: Minura siya, tinawag na pangit nanay niya: Haters ni Will Ashley lagot, posibleng kasuhan na!
