Ipinagpasalamat ng Philippine National Police (PNP) sa publiko ang pagkakaroon ng ligtas at maayos na Undas sa lahat ng rehiyon sa bansa.
“In line with the directive of President Marcos Jr., our personnel worked with full readiness to safeguard the public throughout the Undas period. We thank our partner agencies and the Filipino people themselves for their cooperation, which allowed this year’s observance to remain peaceful, orderly, and secure in all regions,” saad ni Acting Chief PNP, Police Lieutenant General Jose Melencio C. Nartatez Jr. sa pagtatapos ng Undas.
Ayon din sa pahayag ng PNP, may naitalang 1,345,116 mga bisita sa mga pampubliko at pampribadong sementeryo sa bansa.
Sa bilang na ito, walang nai-record na violation, huli, at panggugulo.
'Di kita pinahihinto sa trabaho mo, ikaw humihinto sa trabaho namin!'—Sen. Imee kay DPWH Sec. Dizon
Sa kanila ring tala noong 12 PM ng Linggo, Nobyembre 2, mayroong 12, 975 na mga pasahero sa mga airport, 5,945 sa mga daungan ng barko, at 5, 212 na mga pasahero sa mga terminal sa buong bansa.
Sa mga bilang na ito, walang nai-record na stranded commuters, at walang cancelled na mga byahe sa mga airport, barko, at provincial bus operations.
Ang mga major hubs tulad ng NAIA, Clark, Cebu, Davao, Manila North Harbor, PITX, Araneta-Cubao, Matnog Port, and Davao Sasa Wharf ay nagtala ng tuloy-tuloy na operasyon sa pakikipag-ugnayan sa Civil Aviation Authority of the Philippines (CAAP), Philippine Ports Authority (PPA), Maritime Industry Authority (MARINA), Department of Transportation (DOTr), at mga otoridad sa mga airport at daungan.
Ayon din sa PNP, pitong minor, isolated incidents lamang ang nai-record sa buong bansa mula Oktubre 29 hanggang Nobyembre 2, kasama rito ang isang kaso ng nalungo sa Central Luzon, isolated cases ng illegal gambling at grave threat sa CALABARZON, isang physical injury sa Bicol, at hiwalay na kaso ng mga pagnanakaw at paggamit ng ilegal na droga sa National Capital Region (NCR).
Ang mga nasabing kaso na ito at agad na nirespondehan ng mga kalapit na istasyon ng pulis at hindi nakaapekto sa pangkalahatang sitwasyon ng Undas.
Dahil sa maituturing na tagumpay na ito ng PNP, tiniyak ni Nartatez na magpapatuloy ang kaligtasan at kapayapaan sa pagbyahe ng maraming Pinoy pabalik sa kanilang mga lungsod.
“This is the kind of policing that Bagong Pilipinas demands—service that protects, presence that reassures, and leadership that delivers results. Our deployment will continue as Filipinos return from the provinces, and the PNP remains fully committed to ensuring that every journey home is safe,” pagtitiyak niya.
Sinegundahan din ni PNP Spokesperson and Chief PIO, Police Brigadier General Randulf T. Tuaño ang pagkilala ni Nartatez sa ipinamalas na disiplina ng publiko noong Undas.
“The PNP thanks every Filipino who cooperated with security personnel, followed safety reminders, and showed respect for law and order throughout the Undas break. This peaceful result is not only a police accomplishment, but a shared achievement of communities, local government units, and national partner agencies,” pagkilala ni Tuaño.
Sean Antonio/BALITA
