Dinalaw ni Pangulong Ferdinand “Bongbong” Marcos Jr. ang puntod ng kaniyang namayapang ama na si dating Pangulong Ferdinand Marcos Sr. ngayong All Souls’ Day, sa Libingan ng mga Bayani.

Makikita sa Facebook post na ibinahagi ng Presidential Communications Office (PCO) nitong Linggo, Nobyembre 2, na binisita ng Pangulo ang puntod ng ama, kasama si First Lady Louise Araneta-Marcos, matapos ang kaniyang pagdalo sa ika-32 Asia-Pacific Economic Cooperation (APEC) Summit na ginanap sa Gyeongju, South Korea mula Oktubre 30 hanggang Nobyembre 2.

“Matapos ang kanyang matagumpay na partisipasyon sa ika-32 APEC Summit sa Republika ng Korea, bumisita si Pangulong Ferdinand R. Marcos Jr., kasama si First Lady Louise Araneta-Marcos, sa puntod ng kanyang yumaong ama, dating Pangulong Ferdinand E. Marcos Sr., sa Libingan ng mga Bayani ngayong Linggo, bilang paggunita sa Araw ng mga Kaluluwa,” anang PCO sa kanilang Facebook post.

Matatandaang sinabi ni PBBM na naging produktibo ang nagdaang APEC Summit, matapos mapag-usapan ang pinakamahahalagang isyu na kinakaharap ng rehiyon sa kasalukuyan.

“It was actually a very productive meeting, and because the subjects that were taken up are some of the most important and difficult subjects that the Asia Pacific countries are facing. Of course, trade led the subject matters, but of course, many other things came in about the cooperation between countries for AI, what are the directions we should take, what are in terms of climate control, climate change, what can we do, how do we finally figure out the loss and damage type issues for that,” ani PBBM.

KAUGNAY NA BALITA: 'It was actually a very productive meeting!' PBBM, sinabing natalakay pinakamahahalagang usapin sa APEC Summit-Balita

Vincent Gutierrez/BALITA