Ipinatatawag ng Movie and Television Review and Classification Board (MTRCB) ang Viva Communication, Inc., dahil sa kamakailang pagmumura ng hindi nila pinangalanang content creator sa kanila.
Ayon ito sa inilabas na pahayag ng MTRCB nitong Biyernes, Oktubre 31, 2025.
Anang MTRCB, nangyari raw ang hindi kaaya-ayang pahayag sa kanila ng isang content creator matapos bigyan ng MTRCB ng X rating ang “Dreamboi,” isang pelikulang nagtatampok sa kuwento ng isang transwoman.
“The Movie and Television Review and Classification Board (MTRCB) has summoned Viva Communications, Inc. to a dialogue following the circulation of a viral video showing one of its content creators uttering profane remarks directed at the agency during the premiere of Dreamboi, an official entry to the CineSilip Film Festival 2025,” anila.
'Parang mga barbaro, taong yungib pa rin mag-isip!' John Arcilla, gigil sa mga bayolente sa aso
Photo courtesy: MTRCB
Pagpapatuloy pa ng MTRCB, “disrespectful” daw sa institusyon at mga taong nagtatrabaho sa kanila ang naturang pahayag ng tinutukoy nilang content creator.
“MTRCB said the talent content creator's remark is disrespectful to the institution and to the people behind the Board's work,” saad nila.
Ipinadala umano nila ang liham sa address ng Viva President na si Vincent G. Del Rosario upang mapag-usapan ang nasabing issue.
“In line with our Responsableng Panonood campaign and our vision for healthy collaborative practices with our stakeholders, we would like to invite you for a dialogue on the said report," mababasa umano sa liham. .
“While we respect freedom of expression, the Agency views with serious concern the use of language that undermines respect for public institutions and the standards governing film classification,” ‘ika naman ng MTRCB.
Nakatakda magpulong ang MTRCB at Viva sa darating Nobyembre 4, 2025, upang isulong umano ang propesyunalismo sa entertainment industry.
“The meeting on November 4, is intended to serve as a venue for constructive discussion and to reinforce the importance of professionalism and accountability within the entertainment industry,” pagtatapos pa nila.
Bagama’t walang pinangalanan ang MTRCB, matatandaang bumoses si showbiz insider Ogie Diaz kaugnay sa pagmumura ni social media personality Sasa Gurl sa MTRCB.
MAKI-BALITA: Ogie Diaz tumalak kay Sassa Gurl matapos murahin MTRCB: 'Di puwedeng daanin sa gano'n!'
“Siguro okay ‘yon sa inyong mga naroroon. Pero sa mga makakapanood, hindi. Kasi bilang bahagi ng LGBTQ community, parang hindi natin puwedeng daanin sa gano’n na tatalak na lang,” saad ni Ogie sa kaniyang Showbiz Updates noong Oktubre 26, 2025.
“Kaya nga mayro’ng censorship, e. Kaya nga mayro’n kaming classification, e. Ikaw kaya umupo rito. Tingnan mo kung mabibigyan mo ng PG ‘yan o G,” dagdag pa niya.
Mc Vincent Mirabuna/Balita
