Naghayag ng suporta ang social media personality na si Bea Borres para kay Kapuso Star Jillian Ward na napaliligiran ng kontrobersiya dahil sa pagkakaroon umano ng sugar daddy.
Sa isang Facebook post ni Bea kamakailan, ibinahagi niya ang isang katotohanang natuklasan niya sa lipunan matapos niyang mapanood ang panayam kay Jillian.
“[T]he truth is, society just hates it when a woman succeeds on her own. [A]s someone who’s been through the same accusations before, I’ll never understand why it’s so hard to believe that a woman can actually make it without a man backing her up,” saad ni Bea.
Dagdag pa niya, “I love my dad but he told me I needed a man to make it. So every time I visit his grave, I tell him, ‘I’m doing it, Dad. I’m thriving and building my own assets all on my own.’
Kim Chiu, Paulo Avelino nagsasama na sa iisang bubong?
Gayunman, nilinaw pa rin ni Bea na gusto pa rin niyang makapag-asawa ng mayamang lalaki.
“[D]on’t get me wrong though,” sabi niya, “I want parin mag asawa ng mayaman! HAHAHAHAHAH!”
Matatandaang sa panayam ni Asia’s King Of Talk Boy Abunda ay tinuldukan na ni Jillian ang intriga tungkol sa pagkakaugnay niya sa dating gobernador na si Luis "Chavit" Singson.
Ayon sa kaniya, hindi pa raw niya nakikita sa personal si Chavit kahit kailan.
“So, hindi ko po talaga alam paano nila nagawa-gawa lahat ng ‘to kasi never ko po talaga siyang na-meet, never ko po siyang nakausap,” ani Jillian.
Maki-Balita: 'Sobrang absurd!' Jillian Ward, bumoses na sa pagkakaugnay kay Chavit Singson
Bago pa man ito ay nauna na ring itinanggi ni Chavit ang usap-usapang may relasyon umano sila ng Kapuso star matapos siyang tanungin tungkol dito sa isang media conference.
Maki-Balita: Chavit kay Jillian Ward dinidikit, may relasyon ba?
