Nagdadalamhati ngayon si GMA Network Trivia Master Kuya Kim Atienza at kaniyang pamilya matapos ang pagpanaw ng kaniyang 19 na taong gulang na anak na si Emman Atienza.
Sa Instagram post ni Kuya Kim nitong Biyernes, Oktubre 24, 2025, inanusyo niya ang pagpanaw ng kaniyang anak.
"It’s with deep sadness that we share the unexpected passing of our daughter and sister, Emman," ani Kuya Kim.
Inalala rin ni Kuya Kim ang mga iniwang ala-ala raw ni Emman na nagbigay-saya sa kanilang buhay.
Kim Chiu, Paulo Avelino nagsasama na sa iisang bubong?
"She brought so much joy, laughter, and love into our lives and into the lives of everyone who knew her," saad niya.
Dagdag pa niya, "Emman had a way of making people feel seen and heard, and she wasn’t afraid to share her own journey with mental health. Her authenticity helped so many feel less alone."
Matatandaang minsan na ring gumawa ng ingay si Emman sa social media matapos siyang maakusahan ng netizen na isa umano siyang "nepo baby" dahil raw sa kaniyang lavish lifestyle—bagay na tahasang pinalagan noon ni Emman.
Kahit anak si Kuya Kim ni dating Manila Mayor Lito Atienza, hindi naman daw ibig sabihin nitong nakakatanggap sila ng pera mula sa kanila.
"Yes, my one grandfather and my aunts and uncles on my dad's side are in politics. But I wanna make it so clear that my immediate family, my sister, my brother, me, my mom, my dad do not get financial support of any means from that side of the family."
KAUGNAY NA BALITA: Emman Atienza, pumalag sa akusasyong galing sa pondo ng politiko mga gastos niya
