Naghayag ng pakikisimpatya si award-winning actor John Arcilla sa pinsan niyang si Ricky Avancena matapos nitong komprontahin ang casts at creators ng pelikulang pumapaksa sa buhay ng ninuno nilang si dating Pangulong Manuel Quezon.
Sa isang Facebook post ni Ricky nitong Sabado, Oktubre 24, inilahad niya ang kaniyang pananaw sa “Quezon” matapos niya itong panoorin sa ikatlong pagkakataon.
"[N]ilalako nila ang pambababoy sa alaala ng mga taong patay, at di nila ako hahayaan na magpahayag ng damdamin at ipagtanggol sila?” saad ni Ricky.
Maki-Balita: ‘Mga kupal kayo!’ Apo ni Quezon, inalmahan bagong pelikula ni Tarog
Avengers: Endgame, balik-sine sa 2026!
Sa comment section ng kaniyang post, minention niya ang pinsang si John na tumugon naman sa kaniya.
“I, or anyone else, cannot blame you. Our family is still very much alive; they should have considered consulting the direct descendants and relatives (?) The reason no one has made a film about Juan Luna, for instance, is that his wife’s family does not want the story told from someone else’s point of view—and I am not sure that principle applies here as well, especially since the direct descendants who are still alive were not even consulted,” anang award-winning actor.
Ayon kay John, pareho raw sila ni Ricky ng sentimyento sa nasabing pelikula.
Bagama’t hindi siya makakahingi ng paumahin sa ngalan ng mga kasamahan at kaibigan niya sa likod ng “Quezon,” naniniwala siya na may karapatan ang mga kamag-anak at kaapu-apuhan ng dating Pangulo na maramdaman kung ano ang gusto nilang maramdaman.
“Still,” pagpapatuloy ni John, “I understand that the “satirical” angle might be the film’s best defense. It looked satirical in the way they styled the early rigodons of political opponents and some of the “actings”, but the content itself doesn’t feel like one. “
“The preachy and direct characterization of our Lolo’s persona according to what the film wants to paint was explicitly stated by the fictional Joven—who represents the audience—right to his face. That’s what truly feels bothersome. I feel you, ‘nsan,” dugtong pa niya.
Matatandaang si John ay naging ng “Bayaniverse” ng TBA Studios dahil sa pagganap niya bilang Antonio Luna sa “Heneral Luna” na siyang kauna-unahang pelikula sa trilohiya.
Samantala, naglabas na ng pahayag ang TBA Studios na silang production company sa likod ng “Quezon.” Iginiit nilang nakabatay ang pelikula sa historikal na tala.
Anila, “While we respect and understand his sentiments, we wish to reiterate that the film is grounded in verified historical accounts, including President Quezon’s own autobiography and other reputable sources.”
Maki-Balita: 'The film is grounded in verified historical accounts:' TBA Studios, nagsalita sa pag-alma ng apo ni Quezon
