Muling naglabas ng bagong pahayag si Cavite 4th District Rep. Kiko Barzaga patungkol sa umano’y administrasyon ni Pangulong Ferdinand “Bongbong” Marcos ang nagpasimula ng sunog sa Department of Public Works and Highways (DPWH)-Bureau of Research and Standards (BRS) sa Quezon City noong Miyerkules.
Ayon sa inupload na video ni Barzaga sa kaniyang Facebook noong Huwebes, Oktubre 23, sinabi niyang kasamang umanong natupok ang mga ebidensyang may kaugnayan kina dating House Speaker Martin Romualdez, House majority leader Sandro Marcos, Rep. Roman Romulo, Rep. Arjo Atayde, at Rep. Jay-Jay Suarez.
“President Marcos has set the Quezon City’s DPWH office on fire,” pagsisimula ni Barzaga.
“Evidence that would lead to the imprisonment of Congressman Martin Romualdez, Sandro Marcos, Roman Romulo, Arjo Atayde, and Jay-jay Suarez has been destroyed,” paliwanag pa niya.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Pagpapatuloy pa ni Barzaga, hindi raw basta aksidente ang nangyaring sunog sa opisina ng DPWH sa QC at patuloy lamang nadagdagan ang galit ng taumbayan dahil dito.
“And with it, the hope of the Filipino People in being given justice for all that was stolen from them. This action was not a mere accident, but a deliberate plan of Marcos and Romualdez to spare themselves from the angle of the people,” saad niya.
“The problem is this action has only caused the Filipino people to become more angry,” pahabol pa niya.
Ani Barzaga, maaari daw maging hudyat ng civil war at pagbagsak ng ekonomiya ang “pagkakasunog” ng nasabing opisina ng DPWH.
“We are on the brink of civil war and economic collapse, and the burning building of DPWH may become the catalyst towards a violent revolution for justice,” ‘ika niya.
“We hope we don’t reach that point. God bless the Philippines, God bless the Filipino people,” pagtatapos pa ni Barzaga.
Matatandaang tahasan nang pinahagingan ni Barzaga ang administrasyon ni PBBM bilang may “kagagawan” umano sa naganap na sunog sa nasabing opisina ng DPWH sa Quezon City noong Miyerkules, Oktubre 22.
MAKI-BALITA: Barzaga, sinabing PBBM admin umano nagpasimula ng sunog sa DPWH-BRS sa QC
Ayon sa inilabas na post ni Barzaga sa kaniyang Facebook noon ding Miyerkules, sinabi niyang ginawa iyon upang “sirain” ang mga “ebidensyang” may kaugnayan sa maanomalyang flood control projects.
“Marcos Administration sets fire to DPWH Office to destroy Flood Control Anomaly Evidence,” mababasa sa post ni Barzaga.
MAKI-BALITA: DPWH, nilinaw na walang flood-control projects documents na nadamay sa sunog sa QC
MAKI-BALITA: DPWH, inisa-isa mga dokumentong natupok sa sunog sa QC; flood-control documents, safe?
Mc Vincent Mirabuna/Balita
